ന്യൂഡൽഹി: ബാങ്ക് അക്കൗണ്ടിനും മൊബൈല് നമ്പറിനും പിന്നാലെ എല്ലാത്തരം ഇൻഷുറൻസ് പോളിസികൾക്കും ആധാര് നിർബന്ധമാക്കിക്കൊണ്ട് ഉത്തരവ് പുറത്തുവന്നിരിക്കുന്നു. ഇൻഷുറൻസ് റെഗുലേറ്ററി ആൻഡ് ഡെവലപ്മെൻറ് അതോറിറ്റിയാണ് ഉത്തരവ് പുറപ്പെടുവിച്ചിരിക്കുന്നത്.
കള്ളപ്പണം വെളുപ്പിക്കല് തടയല് നിയമത്തിലെ രണ്ടാം ഭേദഗതിപ്രകാരമാണ് ഇക്കാര്യം നിര്ബന്ധമാക്കിയിരിക്കുന്നത്. ഇതുസംബന്ധിച്ച് ജൂണില് സര്ക്കാര് വിജ്ഞാപനം ഇറക്കിയിരുന്നു.
സർക്കാർ സേവനങ്ങൾക്ക് നിർബന്ധമാക്കിയ നിയമത്തെ ആധാരമാക്കിയാണ് ലൈഫ്, ആരോഗ്യ, അപകട ഇൻഷുറൻസ് അടക്കം പോളിസികൾക്ക് ആധാർ നിർബന്ധമാക്കിയിരിക്കുന്നത്.