കൊച്ചി: നടി ആക്രമിക്കപ്പെട്ട സംഭവവുമായി ബന്ധപ്പെട്ട് ഗൂഡാലോചന കേസില് അറസ്റ്റിലായ നടന് ദിലീപിനെതിരായ കുറ്റപത്രം തയ്യാറായി. എട്ടു വകുപ്പുകള് ചുമത്തി ഗുരുതര ആരോപണങ്ങളോടെയാണ് കുറ്റപത്രം.
കൂട്ട മാനഭംഗം, ഗൂഢാലോചന, തട്ടിക്കൊണ്ടുപോകല്, തെളിവ് നശിപ്പിക്കല്, പ്രതിയെ സംരക്ഷിക്കല്, തൊണ്ടി മുതല് സൂക്ഷിക്കല്, ഭീഷണി, അന്യായമായി തടങ്കലില് വെയ്ക്കല് എന്നീ വകുപ്പുകളാണ് ദിലീപിനെതിരെ ചുമത്തിയിരിക്കുന്നത് . കുറ്റപത്രത്തിനൊപ്പം നല്കാന് നേരിട്ടുളള തെളിവുകളുടെയും സാഹചര്യ തെളിവുകളുടെയും അനുബന്ധ റിപ്പോര്ട്ടും പൊലീസ് തയ്യാറാക്കി.
നടി ആക്രമിക്കപ്പെട്ട് എട്ടുമാസം തികയുന്ന ഇന്ന് കുറ്റപത്രം സമര്പ്പിക്കാനാണ് പൊലീസ് തീരുമാനിച്ചിരുന്നതെങ്കിലും മജിസ്ട്രേറ്റ് അവധി ആയതിനാല് ദിവസം മാറ്റുകയായിരുന്നു. ഇരുപതിലേറെ നിര്ണായക തെളിവുകള് കുറ്റപത്രത്തില് ചൂണ്ടിക്കാട്ടിയിട്ടുണ്ടെന്നാണ് ഉന്നത ഉദ്യോഗസ്ഥര് വ്യക്തമാക്കുന്നത്. ഇതുവരെ പൊലീസ് വെളിപ്പെടുത്താത്ത വിവരങ്ങളും കുറ്റപത്രത്തില് ഉണ്ടെന്നാണ് സൂചന.