പോര്ബന്ധര്: രണ്ടുദിവസത്തെ തെരഞ്ഞെടുപ്പ് പ്രചാരണത്തിനായി കോണ്ഗ്രസ് ഉപാധ്യക്ഷന് രാഹുല് ഗാന്ധി ഇന്ന് ഗുജറാത്തിലെത്തും.
രാവിലെ പോര്ബന്ധറില് വിമാനമിറങ്ങുന്ന രാഹുല് മുക്കുവ സമൂഹവുമായി ചര്ച്ചനടത്തും. തുടര്ന്ന് സനദിലെ ദളിത് ശക്തികേന്ദ്ര എന്ന വൊക്കേഷണല് ട്രെയിനിംഗ് സെന്റര് സന്ദര്ശിക്കും.
ഉച്ചയോടെ അഹമ്മദാബാദിലെത്തുന്ന അദ്ദേഹം മെഡിക്കല് പ്രൊഫഷണല്സുമായും ടീച്ചര്മാരുമായും സംവദിക്കും. വൈകിട്ട് നികോളിലാണ് രാഹുലിന്റെ പൊതുസമ്മേളനം. ഗാന്ധിനഗര് മഹിസാഗര് ദഹോഡ് എന്നിവിടങ്ങളിലാണ് അദ്ദേഹത്തിന്റെ നാളത്തെ പരിപാടി.
