മലപ്പുറം: തവനൂര് വൃദ്ധസദനത്തിലെ നാല് അന്തേവാസികള് മരിച്ചു. വാര്ധക്യ സഹജമായ അസുഖങ്ങളെ തുടര്ന്നാണ് മരണം സംഭവിച്ചത്. കൃഷ്ണമോഹന്, വേലായുധന്, ശ്രീദേവിയമ്മ, കാളിയമ്മ എന്നിവരാണ് മരിച്ചത്.
ഞായറാഴ്ചയും തിങ്കളാഴ്ച രാവിലെയുമാണ് നാലുപേരുടേയും മരണം. എന്നാല് സംഭവത്തില് ദുരൂഹതയുണ്ടെന്ന് ആരോപിച്ച് വൃദ്ധസദനത്തില് നാട്ടുകാര് പ്രതിഷേധം നടത്തുകയാണ്.
അതേസമയം സംഭവത്തില് സംസ്ഥാന മനുഷ്യാവകാശ കമ്മിഷന് സ്വമേധയാ കേസെടുത്തു. മാധ്യമ വാര്ത്തകളുടെ അടിസ്ഥാനത്തിലാണ് നടപടി. ജില്ലാ കലക്ടര്, ജില്ലാ പോലീസ് മേധാവി, ജില്ലാ സാമൂഹ്യനീതി ഓഫീസര് എന്നിവരോട് മൂന്നാഴ്ചയ്ക്കകം സംഭവത്തെ കുറിച്ച് വിശദമായ അന്വേഷണം നടത്തി റിപ്പോര്ട്ട് നല്കണമെന്ന് കമ്മിഷന് അംഗം കെ.മോഹന്കുമാര് നിര്ദേശിച്ചു.
