ന്യൂഡല്‍ഹി: ഓസ്ട്രേലിയന്‍ ക്രിക്കറ്റ് താരം ഷെയ്ന്‍ വാട്സണ് ക്രിക്കറ്റിന്‍റെ എല്ലാ ഫോര്‍മാറ്റുകളില്‍നിന്നും വിരമിച്ചു. ഐപിഎലില്‍ ചെന്നൈ സൂപ്പര്‍ കിംഗ്സിന്‍റെ താരം കൂടിയായ 39 കാരന്‍ ട്വിറ്ററിലൂടെയാണ് വിമരമിക്കല്‍ തീരുമാനം പ്രഖ്യാപിച്ചത്.
ഐപിഎലില്‍ ചെന്നൈ പുറത്തായതിനു പിന്നാലെയാണ് വിരമിക്കല്‍ എന്നതും ശ്രദ്ധേയമാണ്. ചെന്നൈയുടെ അവസാന മത്സരത്തിന് ശേഷം സഹതാരങ്ങളോട് താന്‍ വിരമിക്കുന്നതായി വാട്സണ് പറഞ്ഞതായി റിപ്പോര്‍ട്ടുണ്ടായിരുന്നു.
അന്താരാഷ്ട്ര ക്രിക്കറ്റില്‍ നിന്ന് 2018 വാട്സണ് വിരമിച്ചിരുന്നു. ആ വര്‍ഷം വാട്‌സണെ ചെന്നൈ ലേലത്തില്‍ സ്വന്തമാക്കുകയായിരുന്നു.
