തിരുവനന്തപുരം: പാമ്ബുപിടിത്തത്തിനിടെ പാമ്ബിന്‍റെ കടിയേറ്റ വാവ സുരേഷിന്‍റെ ആരോഗ്യനിലയില്‍ പുരോഗതി. പേടിക്കേണ്ടതായി ഒന്നും തന്നെ ഇല്ലെന്ന് വാവ സുരേഷ് പറഞ്ഞു. ആരോഗ്യ നിലയില്‍ പുരോഗതി ഉള്ളതിനാല്‍ ഉടന്‍ തന്നെ വാര്‍ഡിലേക്ക് മാറ്റുമെന്നും അദ്ദേഹം ഫേസ്ബുക്കില്‍ കുറിച്ചു.
ഒരുപാട് തെറ്റായ വാര്‍ത്തകള്‍ വരുന്നുണ്ടെന്നും ഇതിനെ പിന്നാലെ പോകരുതെന്നും വാവ സുരേഷ് കൂട്ടിച്ചേര്‍ത്തു.
കഴിഞ്ഞ വ്യാഴാഴ്ച പത്തനാപുരത്ത് ഒരു വീട്ടിലെ കിണറ്റില്‍ കണ്ടെത്തിയ അണലിയെ പിടികൂടി പുറത്തെത്തിച്ച ശേഷമായിരുന്നു വാവ സുരേഷിന് പാന്പുകടിയേറ്റത്. ഉടന്‍തന്നെ അദ്ദേഹത്തെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരുന്നു.
