പത്തനംതിട്ട : ഇരവിപേരൂരില് പ്രത്യക്ഷ രക്ഷാ ദൈവ സഭ ആസ്ഥാനത്തെ പടക്ക നിര്മ്മാണശാലയില് തീപിടിച്ചു.നിരവധിപേര്ക്ക് പൊള്ളലേറ്റു. വഴിപാടിനായുള്ള പടക്കങ്ങള് നിര്മിക്കുന്നതിനിടെയാണ് അപകടം ഉണ്ടായത്. പൊള്ളലേറ്റവരെ കോട്ടയം മെഡിക്കല് കോളജ് ആശുപത്രിയിലേക്ക് മാറ്റി. ഇവരില് രണ്ടുപേരുടെ നില അതീവ ഗുരുതരമാണെന്നാണ് വിവരം. അതിനിടെ, സംഭവസ്ഥലത്തെ ദൃശ്യങ്ങള് പകര്ത്താനെത്തിയ മാധ്യമപ്രവര്ത്തകര്ക്കു നേരെ കൈയേറ്റമുണ്ടായി
പത്തനംതിട്ട : റാന്നി അത്തിക്കയം മടന്തമണ്ണില് മൃതദേഹം വീണ്ടും പോസ്റ്റ്മോര്ട്ടം ചെയ്തപ്പോള് തലച്ചോറു കാണാനില്ല. കഴിഞ്ഞ തിരുവോണ നാളില് വീടിനു സമീപത്തു മരിച്ച നിലയില് കാണപ്പെട്ട മടന്തമണ്ണില് സിന്ജോമോന്റെ മരണത്തിലാണ് ദുരൂഹത ഏറിക്കൊണ്ടിരിക്കുന്നത്. തലച്ചോറിന്റെ സ്ഥാനത്തു നനഞ്ഞ തുണിയാണ് ഉണ്ടായിരുന്നത്. ഒന്പതു സെന്റീമീറ്റര് നീളമുള്ള മുടിയും തുണിയില് ഉണ്ടായിരുന്നു. മുകളിലെ നിലയില് രണ്ടു പല്ലും കാണാതായിട്ടുണ്ട്. സിന്ജോമോന്റെ മരണത്തില് ദുരൂഹതയുണ്ടെന്ന കുടുംബത്തിന്റെ പരാതിയുടെ അടിസ്ഥാനത്തിലാണ് അത്തിക്കയം നിലയ്ക്കല് മാര്ത്തോമ്മാ പള്ളിയുടെ കല്ലറയില്നിന്നു പുറത്തെടുത്ത് വീണ്ടും പോസ്റ്റ്മോര്ട്ടം നടത്തിയത്. ആര്ഡിഒ വി. ജയമോഹന്റെ നേതൃത്വത്തിലായിരുന്നു […]
