കോഴിക്കോട്: സി സോണ് കലോത്സവത്തെ ചൊല്ലി കാലിക്കറ്റ് സര്വകലാശാലയില് സംഘര്ഷം. എസ്എഫ്ഐ എംഎസ്എഫ് പ്രവര്ത്തകര് തമ്മില് ഏറ്റുമുട്ടി.
എംഎസ്എഫുമായി സഹകരിക്കുന്ന വിദ്യാര്ത്ഥികളെ കലോത്സവത്തില് പങ്കെടുപ്പിക്കുന്നില്ലെന്ന ആരോപണമാണ് സംഘര്ഷത്തിലെത്തിച്ചത്. ഇത് സംബന്ധിച്ച് വൈസ് ചാന്സിലര്ക്ക് പരാതിയും നല്കിയിരുന്നു. പ്രതിഷേധിച്ച എംഎസ്എഫ് പ്രവര്ത്തകര് വൈസ് ചാന്സിലറെ സെനറ്റ് ഹാളില് പൂട്ടിയിടുകയും ചെയ്തു.
കലോത്സവത്തിന്റെ ഉദ്ഘാടന ചടങ്ങ് കഴിഞ്ഞ് എസ്എഫ്ഐ പ്രവര്ത്തകര് എത്തിയതോടെ പ്രതിഷേധം ഇരുവിഭാഗങ്ങള് തമ്മിലുള്ള ഏറ്റുമുട്ടലായി. ഏതാനും വിദ്യാര്ത്ഥികള്ക്ക് സംഘര്ഷത്തില് പരിക്കേറ്റിട്ടുണ്ട്.
