കാസര്ഗോഡ്: ‘നാന് പെറ്റ മകനേ എന്ന് വിളിച്ച് കരയാന് ഇവര്ക്കുമുണ്ട് അമ്മമാര്’ എന്ന് രൂക്ഷ ഭാഷയില് പൊട്ടിത്തെറിച്ച് ഷാഫി പറമ്പില് എംഎല്എ. ഷാഫിയുടെ ഫേസ്ബുക്ക് പോസ്റ്റിലാണ് വിമര്ശനം ഉന്നയിച്ചിരിക്കുന്നത്. ഇരട്ടക്കൊലപാതകത്തിന്റെ പശ്ചാത്തലത്തില് മുഖ്യമന്ത്രിക്കെതിരെയാണ് ഫെയ്സ്ബുക്ക് പോസ്റ്റ്. ഔദ്യോഗിക ഫേസ്ബുക്ക് പേജിലാണ് ഷാഫി എംഎല്എ വിമര്ശനമുന്നയിച്ചിരിക്കുന്നത്.
ഫേസ്ബുക്ക് പോസ്റ്റിന്റെ പൂര്ണ്ണരൂപം
”നാന് പെറ്റ മകനേ എന്ന് വിളിച്ച് കരയാന് ഇവര്ക്കുമുണ്ട് അമ്മമാര് .. എന്നാ നിങ്ങടെ ചോരക്കൊതി തീരാ? എത്ര തലകള് ഇനിയും അറുത്ത് മാറ്റണം? എത്ര വെട്ടുകള് ഇനിയും നിങ്ങള്ക്കെതിരെ പ്രവര്ത്തിക്കുന്നവരുടെ ശരീരത്തില് ഏല്പ്പിക്കണം? എത്ര കാലം നിങ്ങള് കൊന്ന് കൊണ്ടേയിരിക്കും?
ശിലയായി മാറിയ ഹൃദയം കൊണ്ട് എതിര് പാര്ട്ടിക്കാരനെ കൊന്ന് തള്ളാന് ഉത്തരവിട്ട ശേഷം മൈതാന പ്രസംഗത്തില് നവോത്ഥാനം വിളമ്പുന്നവന്റെ മുഖത്ത് കാര്ക്കിച്ച് തുപ്പണം. ശാപമാണ് വിജയാ ഈ രക്തദാഹം… നിങ്ങളൊക്കെ തന്നെ ശീലിപ്പിച്ചത് നിയന്ത്രിക്കാന് കഴിഞ്ഞില്ലേല് അമ്മമാരുടെ കണ്ണീരില് ഒലിച്ച് പോവും നിങ്ങള്…”