മുംബൈ: ഇന്ത്യന്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറിന് കോവിഡ് -19 ന് സ്ഥിരീകരിച്ചു. സച്ചിന്‍ തന്നെയാണ് ട്വിറ്ററിലൂടെ ഇക്കാര്യം അറിയിച്ചത്. പല തവണ ടെസ്റ്റ് ചെയ്യുകയും കോവിഡിനെ അകറ്റി നിര്‍ത്തുന്നുവെന്ന് ഉറപ്പാക്കാന്‍ ശുപാര്‍ശ ചെയ്യുന്ന എല്ലാ മുന്‍കരുതലുകളും സ്വീകരിക്കുകയും ചെയ്തിരുന്നു. എന്നിരുന്നാലും, നേരിയ ലക്ഷണങ്ങളെ തുടര്‍ന്ന് ഞാന്‍ കോവിഡ് പരിശോധിച്ചതില്‍ രോഗം സ്ഥിരീകരിച്ചു. വീട്ടിലെ മറ്റുള്ളവരെല്ലാം നെഗറ്റീവാണ്. വീട്ടില്‍ തന്നെത്തന്നെ സ്വയം നിരീക്ഷണത്തില്‍ കഴിയുകയാണ്. ഡോക്ടര്‍മാരുടെ ഉപദേശപ്രകാരം ആവശ്യമായ എല്ലാ പ്രോട്ടോക്കോളുകളും പാലിക്കുണ്ടെന്നും താരം.
