ചെന്നൈ: രാഷ്ട്രീയത്തിലേക്ക് ഇറങ്ങുന്നതിന്റെ വ്യക്തമായ സൂചന നല്കി കമലഹാസന് രംഗത്തെത്തി. നൂറ് ദിവസത്തിനുള്ളില് തമിഴ്നാട്ടില് തിരഞ്ഞെടുപ്പ് നടക്കുകയാണെങ്കില് താന് മത്സരിക്കാന് തയ്യാറാണെന്ന് അദ്ദേഹം ഒരു ദേശീയ മാധ്യമത്തിന് നല്കിയ അഭിമുഖത്തില് പറഞ്ഞു.
എല്ലാ രാഷ്ട്രീയ പാര്ട്ടികളുമായും താന് സഹകരിക്കാന് തയ്യാറാണ്. എന്നാല് ആരുമായും മുന്നണി ഉണ്ടാക്കില്ലെന്നും ഒറ്റയ്ക്ക് നില്ക്കുമെന്നും അദ്ദേഹം വ്യക്തമാക്കി. അണ്ണാ ഡിഎംകെയില് നിലനില്ക്കുന്ന പ്രശ്നങ്ങള് സഹിക്കാവുന്നതിലും അപ്പുറമാണ്. നിര്ബന്ധിപ്പിച്ചു വിവാഹം കഴിപ്പിച്ച പെണ്കുട്ടിയുടെ അവസ്ഥയിലാണ് തമിഴ്നാട്ടിലെ ജനങ്ങള്. അവര്ക്ക് അതില്നിന്നും പുറത്തുകടക്കണമെന്നുണ്ട്. ഈ സാഹചര്യത്തില് നൂറ് ദിവസത്തിനകം തിരഞ്ഞെടുപ്പ് നടന്നാല് ഞാനുമുണ്ടാകുമെന്നും കമലഹാസന് പറഞ്ഞു.