എരുമപ്പെട്ടി: ചോര്ന്നൊലിച്ച് തകര്ന്നുവീഴാറായ വീട്ടില് ദുരിതം സഹിച്ച് കഴിയുന്നത് അഞ്ചംഗ കുടുംബം. വിധവകളായ രണ്ട് അമ്മമാരുടെ തണലില് കഴിയുന്ന മൂന്ന് മക്കളില് ഇളയവന് ഭിന്നശേഷിക്കാരനാണ്.
എരുമപ്പെട്ടി പഞ്ചായത്ത് 12ാം വാര്ഡായ കാഞ്ഞിരക്കോട് കൊടുമ്ബിലാണ് സംഭവം. കൊടുമ്ബ് വളയംപറമ്ബില് വീട്ടില് പരേതനായ തങ്കപ്പെന്റ ഭാര്യ സരസ്വതി (74), മകള് പരേതനായ മോഹനെന്റ ഭാര്യ സുനിത (48), സുനിതയുടെ മക്കളായ മോനിഷ് (18), സനീഷ (16), സൗരവ് (ഒമ്ബത്) എന്നിവരാണ് മണ്കട്ട കൊണ്ട് നിര്മിച്ച വര്ഷങ്ങള് പഴക്കമുള്ള വീട്ടിലെ താമസക്കാര്. വീടിെന്റ പട്ടികയും കഴുക്കോലും ദ്രവിച്ച് വീഴാറായി. പലതും നിലംപൊത്തിയതിനാല് ഓടുകള് താല്ക്കാലികമായി താഴെ ഇറക്കിവെച്ചിരിക്കുകയാണ്. പകരം ടാര്പ്പായ കൊണ്ട് മറച്ചാണ് ഇവര് താമസിച്ചിരുന്നത്. അതും കീറിപ്പറിഞ്ഞ് വെള്ളം അകത്തേക്ക് വീഴാന് തുടങ്ങിയതോടെ പുരയിടത്തില് ഒരു ചെറിയ ഒരു െഷഡ് കെട്ടിയാണ് ഇപ്പോള് താമസം. സരസ്വതിയും മകള് സുനിതയും കൂലിപ്പണിക്ക് പോയാണ് കുട്ടികളുടെ പഠനവും ചെറിയ മകെന്റ ചികിത്സാചെലവും നടത്തിക്കൊണ്ടുപോയിരുന്നത്. കോവിഡിനെ തുടര്ന്ന് തൊഴില് നഷ്ടപ്പെട്ട കുടുംബം ഇപ്പോള് സാമ്ബത്തികമായി വളരെ ബുദ്ധിമുട്ട് അനുഭവിക്കുകയാണ്.
പലര്ക്കും സര്ക്കാര് വീട് നിര്മിക്കാന് സഹായം നല്കുന്നുണ്ടെങ്കിലും നൂറു ശതമാനവും അര്ഹതയുള്ള ഈ കുടുംബത്തിനു മാത്രം ലഭിക്കുന്നില്ല. അപേക്ഷ കൊടുത്തും പരാതി പറഞ്ഞും മടുത്തതായി ഇവര് പറയുന്നു. ജനപ്രതിനിധികളോടും ഉദ്യോഗസ്ഥരോടും പലതവണ ആവശ്യം അറിയിച്ചെങ്കിലും ഒരു നടപടിയും ഉണ്ടായിട്ടില്ല. പഞ്ചായത്ത് അധികാരികളുടെയോ സാമൂഹിക പ്രവര്ത്തകരുടെയോ കാരുണ്യം കാത്തിരിക്കുകയാണ് ഈ കുടുംബം.
