ലോക്ഡൗണില്‍ കുടുങ്ങി പോയ ഇതര സംസ്ഥാന തൊഴിലാളികളെ നാട്ടിലെത്തിക്കുന്നതിന് മുന്‍കൈയെടുത്ത് സഹായങ്ങള്‍ നല്‍കി ജനശ്രദ്ധ നേടിയ നടനാണ് സോനു സൂദ്. ഇപ്പോഴിതാ, പാവങ്ങളെ സഹായിക്കാന്‍ താരം 10 കോടി രൂപ ബാങ്കില്‍ നിന്നും ലോണെടുത്തതായി റിപ്പോര്‍ട്ട്.
സെപ്റ്റംബര്‍ 15ന് കരാര്‍ ഒപ്പിട്ട് നവംബര്‍ 24ന് ഇത് റജിസ്റ്റര്‍ ചെയ്തു. ലോണ്‍ എടുക്കുന്നതിനുള്ള റജിസ്ട്രേഷന്‍ ഫീ അഞ്ച് ലക്ഷം രൂപയായിരുന്നു. സോനുവിന്റെയും ഭാര്യയുടെയും പേരിലുള്ള രണ്ട് ഷോപ്പുകളും ആറ് ഫ്ളാറ്റുകളും പണയപ്പെടുത്തിയാണ് ലോണ്‍ എടുത്തിരിക്കുന്നത്. കെട്ടിടങ്ങളില്‍ നിന്നും ലഭിക്കുന്ന വാടക തുകയാണ് ലോണ്‍ അടയ്ക്കുന്നതിനായി ഉപയോഗിക്കുന്നത്.
സോനു സൂദ് നേരത്തെ 1500 പിപിഇ കിറ്റുകള്‍ പഞ്ചാബില്‍ വിതരണം ചെയ്തിരുന്നു.
