കണ്ണൂര്: മുഖ്യമന്ത്രി പിണറായി വിജയന് നാമനിര്ദേശ പത്രിക സമര്പ്പിച്ചു. കണ്ണൂര് കലക്ടറേറ്റില് എത്തിയാണ് മുഖ്യമന്ത്രി നാമനിര്ദേശ പത്രിക സമര്പ്പിച്ചത്.
ധര്മടം മണ്ഡലത്തിലെ ഇടതുപക്ഷ ജനാധിപത്യ മുന്നണി സ്ഥാനാര്ത്ഥിയായാണ് പിണറായി വിജയന് മത്സരിക്കുക. എല്.ഡി.എഫ് നേതാക്കളും അദ്ദേഹത്തെ അനുഗമിച്ചു. ധര്മടത്ത് ഒരാഴ്ച അദ്ദേഹം പ്രചാരണം പൂര്ത്തിയാക്കിയിരുന്നു. സര്ക്കാറിന്റെ ക്ഷേമ പദ്ധതികള് ഉയര്ത്തിക്കാട്ടിയായിരുന്നു തെരഞ്ഞെടുപ്പ് പ്രചാരണം.
തുടര്ച്ചയായ രണ്ടാം തവണയാണ് അദ്ദേഹം ധര്മടത്ത് മത്സരിക്കുന്നത്. ആദ്യതവണ 35,000ത്തിലധികം ഭൂരിപക്ഷത്തോടെയാണ് ധര്മടത്ത് പിണറായി വിജയന് ജയിച്ചത്.
മൂന്നുതവണ കൂത്തുപറമ്ബില്നിന്നും ഒരു തവണ പയ്യന്നൂരില്നിന്നും ജയിച്ച് പിണറായി വിജയന് നിയമസഭയിലെത്തിയിരുന്നു. ധര്മടത്തെ കോണ്ഗ്രസ് സ്ഥാനാര്ഥിയെ ഇതുവരെ പ്രഖ്യാപിച്ചിട്ടില്ല.