നോയിഡ: 12 വയസുകാരന്‍ 2 വയസുകാരിയെ ബലാത്സംഗം ചെയ്ത് കൊലപ്പെടുത്തി.സംഭവത്തില്‍ പ്രതിയായ 12 വയസുകാരനെ പോലീസ് അറസ്റ്റ് ചെയ്തിട്ടുണ്ട്. കുട്ടി ക്രൂര ബലാത്സംഗത്തിന് ഇരയായി എന്ന് വ്യക്തമായിട്ടുണ്ട്.
ബുധനാഴ്ച രാവിലെ ബന്ധുവിന്റെ വീട്ടില്‍ നിന്നാണ് കുട്ടിയെ കാണാതായത്. തുടര്‍ന്ന് 14 മണിക്കൂറിന് ശേഷമാണ് കുട്ടിയുടെ മൃതദേഹം പ്രദേശത്തുള്ള ഒരു വയലില്‍ നിന്നും കണ്ടെത്തുന്നത്. കുട്ടിയുടെ മുഖത്തും കഴുത്തിലും പുറത്തും ക്രൂരമായി പരുക്കേല്‍പ്പിച്ചതിന്‍റെ പാടുകളുണ്ടായിരുന്നു. മാത്രമല്ല, കുട്ടിയുടെ വലത് കണ്ണ് തകര്‍ന്ന നിലയിലാണ് കണ്ടത്. കല്ലുകൊണ്ട് കുട്ടിയെ ഇടിച്ചതാണെന്നാണ് പ്രാധമിക നിഗമനം. പ്രതി കുറ്റം സമ്മതിച്ചതായി പോലീസ് പറഞ്ഞു.
സംഭവത്തില്‍ 12കാരനെതിരെ കൊലക്കുറ്റം ചുമത്തിയാണ് കേസ് രജിസ്റ്റര്‍ ചെയ്തിരിക്കുന്നത്. പ്രതിയെ കോടതിയില്‍ ഹാജരാക്കുകയും ജുവനൈല്‍ ഹോമില്‍ അയയ്ക്കുകയും ചെയ്തിട്ടുണ്ട്. വീടിന് പുറത്ത് ഇരുന്ന് കളിക്കുകയായിരുന്ന കുട്ടിയെ പ്രദേശത്തെ ആളൊഴിഞ്ഞ വയലിലേക്ക് എടുത്തുകൊണ്ട് പോയി പീഡിപ്പിക്കുകയായിരുന്നെന്ന് പ്രതി പോലീസിനോട് വെളിപ്പെടുത്തി. ഇതേ തുടര്‍ന്ന് കുട്ടി പേടിച്ച്‌ കരയാന്‍ തുടങ്ങിയപ്പോള്‍ ഇത് നാട്ടുകാര്‍ കേള്‍ക്കുമെന്ന ഭയത്തിലാണ് പ്രതി കുട്ടിയെ കല്ലുകൊണ്ട് തുടരെ തുടരെ മര്‍ദിച്ച്‌ അവശയാക്കിയത്.
പിന്നീട് ഇയാള്‍ കുട്ടിയെ കഴുത്ത് ഞെരിച്ച്‌ കൊലപ്പെടുത്തുകയായിരുന്നു. എന്നാല്‍ ബലാത്സംഗം മെഡിക്കല്‍ റിപ്പോര്‍ട്ടില്‍ പരാമര്‍ശിച്ചിട്ടില്ല. പ്രതി മൊബൈല്‍ ഫോണിന് അടിമയാണെന്നും തുടരെ തുടരെ അശ്ലീല വീഡിയോകള്‍ കാണാറുണ്ടായിരുന്നെന്നും നാട്ടുകാര്‍ വ്യക്തമാക്കുകയുണ്ടായി. മാത്രമല്ല, മുറ്റത്ത് കളിച്ചുകൊണ്ടിരിക്കുന്ന കുട്ടിയെ പ്രതി എടുത്തുകൊണ്ട് പോകുന്ന ദൃശ്യങ്ങള്‍ വീട്ടിലെ സിസി ടിവി ക്യാമറയില്‍ പതിഞ്ഞിട്ടുണ്ട്.
