കോഴിക്കോട്: കോഴിക്കോട്-പാലക്കാട് ദേശീയ പാതയില്‍ കെഎസ്‌ആര്‍ടിസി ബസും കാറും കൂട്ടിയിടിച്ച്‌ ഒരാള്‍ മരിച്ചു. ഇന്ന് പുലര്‍ച്ചെ നാല് മണിയോടെ രാമപുരം സ്‌കൂള്‍ പടിയില്‍ ആയിരുന്നു അപകടം. കാര്‍ ഡ്രൈവറായ ചെര്‍പ്പുളശേരി സ്വദേശി മുഹമ്മദ് ഫാസില്‍ (26) ആണ് മരിച്ചത്.
കാര്‍ യാത്രക്കാരായ ചെര്‍പ്പുളശ്ശേരി കിഴിശ്ശേരി രായന്‍റെ ഭാര്യ മുംതാസ്, മകള്‍ നുജു എന്നിവര്‍ക്ക് പരിക്കേറ്റു. ഇവരെ പെരിന്തല്‍മണ്ണ മൗലാന ആശുപത്രിയില്‍ പ്രവേശിപ്പിച്ചു.
അപകടത്തെ തുടര്‍ന്ന് റോഡരികിലെ ഓടയിലേക്കു തെറിച്ച്‌ വീണ നുജുവിനെ നീണ്ട നേരത്തെ തിരച്ചിലിനൊടുവിലാണ് അബോധാവസ്ഥയില്‍ കണ്ടെത്തിയത്. നിയന്ത്രണം വിട്ട ബസ് സമീപത്തെ വീടിലിടിച്ച്‌ വീട് തകര്‍ന്നു.
