കാഞ്ഞങ്ങാട്: പ്രതിദിനം കോവിഡ് രോഗികളുടെ എണ്ണം വര്ധിച്ചുവരുന്ന സാഹചര്യത്തില് കാഞ്ഞങ്ങാട് നഗരത്തില് നിയന്ത്രണമേര്പ്പെടുത്തുന്നു.
നഗരത്തിലെ ആള്ക്കൂട്ടമൊഴിവാക്കുന്നതിെന്റ ഭാഗമായി ഇനി ഒരു അറിയിപ്പ് ഉണ്ടാകുന്നത് വരെ അനധികൃത വഴിയോര കച്ചവടം നിരോധിക്കാനും നിലവില് നഗരസഭ തിരിച്ചറിയല് കാര്ഡ് നല്കിയവര്ക്ക് കോവിഡ് മാനദണ്ഡങ്ങള് പാലിച്ച് നിശ്ചിത സ്ഥലത്ത് വഴിയോര കച്ചവടം നടത്താന് അനുമതി നല്കാനും, രാത്രികാലങ്ങളിലെ തട്ടുകടകള്ക്ക് നിയന്ത്രണമേര്പ്പെടുത്താനും നഗരസഭ സ്റ്റിയറിങ് കമ്മിറ്റി യോഗം തീരുമാനിച്ചു.
വിഷു, റമദാന് പ്രമാണിച്ച് നഗരത്തില് വഴിയോര കച്ചവടം അനുവദിക്കേണ്ടതില്ലെന്നും നഗരസഭയിലെ മുഴുവന് വാര്ഡുകളിലും തിങ്കളാഴ്ചകളില് ഡ്രൈഡേ ആചരിക്കാനും കോവിഡ് നിയന്ത്രണ വിധേയമാക്കുന്നതിെന്റ ഭാഗമായി ആര്.ടി.പി.സി.ആര് ടെസ്റ്റിെന്റയും വാക്സിനേഷന് ക്യാമ്ബുകളുടെയും എണ്ണം വര്ധിപ്പിക്കാനും തീരുമാനമായി. യോഗത്തില് നഗരസഭ ചെയര്പേഴ്സന് കെ.വി. സുജാത അധ്യക്ഷത വഹിച്ചു. വൈസ് ചെയര്മാന് അബ്ദുല്ല ബില് ടെക്ക്, സ്ഥിരം സമിതി ചെയര്പേഴ്സന്മാരായ സി. ജാനകിക്കുട്ടി, പി. അഹമ്മദലി, കെ.വി. സരസ്വതി, കെ. അനീശന്, കെ.വി. മായാകുമാരി നഗരസഭ സെക്രട്ടറി എം.കെ. ഗിരീഷ് എന്നിവര് സംസാരിച്ചു.
നീലേശ്വരത്തും നിയന്ത്രണങ്ങള്
നീലേശ്വരം: നീലേശ്വരം നഗരസഭ പരിധിയിലെ എല്ലാ വ്യാപാര സ്ഥാപനങ്ങളും രാവിലെ ആറു മുതല് വൈകീട്ട് ഏഴുമണി വരെയും ടെക്സ്റ്റൈല്സ് ഷോപ്പുകള് എട്ടു മണിവരെയും മാത്രമേ തുറന്നു പ്രവര്ത്തിക്കാന് പാടുള്ളൂ. വഴിയോരങ്ങളില് പച്ചക്കറികള്, പഴവര്ഗങ്ങള്, മത്സ്യങ്ങള് എന്നിവ അനധികൃതമായി വില്പന നടത്തുന്നത് നിരോധിച്ചു. ഇതിന് വിരുദ്ധമായി പ്രവര്ത്തിക്കുന്നവര്ക്കെതിരെ കര്ശന നടപടി സ്വീകരിക്കും. ഹോട്ടലുകള് രാത്രി ഏഴുമണിവരെ തുറന്നുപ്രവര്ത്തിക്കാം. വൈകീട്ട് ആറു മുതല് പാര്സലുകള് മാത്രമേ നല്കാവൂ. കോവിഡ് മാനദണ്ഡങ്ങള് പാലിക്കാത്ത വ്യാപാര സ്ഥാപനങ്ങള് അടച്ചുപൂട്ടുന്നതിനോടൊപ്പം ലൈസന്സ് റദ്ദ് ചെയ്യുന്നതിനും നടപടി സ്വീകരിക്കും.
കണ്ടയിന്മെന്റ് സോണില് താമസിക്കുന്ന ആളുകള് കോവിഡ് മാനദണ്ഡങ്ങള് പാലിക്കണം. 10 വയസ്സിനു താഴെയുള്ള കുട്ടികളും 65 വയസ്സിനു മുകളില് പ്രായമുള്ള ആളുകളും അനാവശ്യ യാത്രകള് ഒഴിവാക്കേണ്ടതാണ്. മൈതാനങ്ങളില് കൂട്ടംകൂടി കളിക്കുന്നതും മത്സരങ്ങളും ഒഴിവാക്കേണ്ടതാണ്. വിവാഹം, മരണാനന്തര ചടങ്ങുകള്, ഗൃഹപ്രവേശം തുടങ്ങിയ ചടങ്ങുകള്ക്കും ഉത്സവങ്ങള്, ആഘോഷങ്ങള് എന്നിവക്കും നിയന്ത്രണം ഏര്പ്പെടുത്തി. കൂടുതല് ആളുകള്ക്ക് വാക്സിനേഷന് നടത്തുന്നതിന് വാര്ഡ് ജാഗ്രത സമിതി ഇടപെട്ട് പ്രവര്ത്തിക്കും. അതിഥി തൊഴിലാളികള്ക്ക് വാക്സിനേഷന് നടത്തുന്നതിന് നടപടി സ്വീകരിക്കും. കോവിഡ് പ്രതിരോധ രംഗത്ത് പ്രവര്ത്തിക്കുന്ന മാഷ് പദ്ധതി ശക്തിപ്പെടുത്തും. കോവിഡ് സമ്ബര്ക്ക വ്യാപനത്തിന് ഇടയാക്കുന്ന ആരോഗ്യ സുരക്ഷ വീഴ്ചകള് വരുത്തുന്നവര്ക്കെതിരെ പകര്ച്ചവ്യാധി നിരോധന നിയമപ്രകാരം െപാലീസ് നടപടികള് സ്വീകരിക്കും.
യോഗത്തില് നഗരസഭ ചെയര്പേഴ്സന് ടി.വി. ശാന്ത അധ്യക്ഷത വഹിച്ചു. നീലേശ്വരം താലൂക്ക് ആശുപത്രി സൂപ്രണ്ട് ഡോ. ജമാല് അഹ്മദ് കോവിഡ് പ്രതിരോധ പ്രവര്ത്തനങ്ങളെ സംബന്ധിച്ചും വാക്സിനേഷന് സംബന്ധിച്ചും വിശദീകരിച്ചു. സ്റ്റാന്ഡിങ് കമ്മിറ്റി ചെയര്മാന്മാരായ കെ.പി. രവീന്ദ്രന്, വി. ഗൗരി, ദാക്ഷായണി കുഞ്ഞിക്കണ്ണന്, പി. സുഭാഷ്, നഗരസഭ സെക്രട്ടറി സി.കെ. ശിവജി, രാഷ്ട്രീയ പാര്ട്ടി പ്രതിനിധികളായ കെ.വി. ദാമോദരന്, പി. രാമചന്ദ്രന്, സി. രാഘവന്, കൈപ്രത്ത് കൃഷ്ണന് നമ്ബ്യാര്, ജോണ് ഐമണ്, വ്യാപാരി വ്യവസായി പ്രതിനിധികളായ കെ.വി. സുരേഷ് കുമാര്, വി.വി. ഉദയകുമാര് എന്നിവര് സംസാരിച്ചു.
സബ് ഇന്സ്പെക്ടര്മാരായ സി.വി. പ്രേമന്, ടി.വി. പ്രേമരാജ്, താലൂക്ക് ആശുപത്രി സൂപ്പര്വൈസര് എം. കുഞ്ഞികൃഷ്ണന്, ഹെല്ത്ത് ഇന്സ്പെക്ടര് എം. ശശിധരന്, നീലേശ്വരം വില്ലേജ് ഓഫിസര് രാധിക, പേരോല് വില്ലേജ് ഓഫിസര് വത്സല എന്നിവര് സംബന്ധിച്ചു. ആരോഗ്യ സ്റ്റാന്ഡിങ് കമ്മിറ്റി ചെയര്പേഴ്സന് ടി.പി. ലത സ്വാഗതവും നഗരസഭ ഹെല്ത്ത് ഇന്സ്പെക്ടര് എ.കെ. പ്രകാശന് നന്ദിയും പറഞ്ഞു.