അഡ്‌ലെയ്ഡ്: ഓസ്ട്രേലിയയ്ക്കെതിരായ ആദ്യ ടെസ്റ്റിന്‍റെ രണ്ടാം ഇന്നിംഗ്സില്‍ ഇന്ത്യന്‍ ബാറ്റിംഗ് നിര തകര്‍ന്നടിഞ്ഞു. ആദ്യ ഇന്നിംഗ്സിലെ 53 റണ്‍സുമായി ബാറ്റിംഗിനിറങ്ങിയ ഇന്ത്യയുടെ രണ്ടാം ഇന്നിംഗ്സ് 36 റണ്‍സില്‍ അവസാനിച്ചു.
ഒന്‍പത് വിക്കറ്റുകള്‍ നഷ്ടമായതിന് പിന്നാലെ മുഹമ്മദ് ഷമി പരിക്കേറ്റ് പിന്മാറിയതും ഇന്ത്യയ്ക്ക് തിരിച്ചടിയായി. ഇന്ത്യയുടെ ടെസ്റ്റ് ക്രിക്കറ്റ് ചരിത്രത്തിലെ ഏറ്റവും കുറഞ്ഞ സ്കോറാണിത്.
ഒന്‍പത് റണ്‍സ് നേടിയ മായങ്ക് അഗര്‍വാളാണ് ഇന്ത്യയുടെ ടോപ്പ് സ്കോറര്‍. ഒരു ബാറ്റ്സ്മാന്‍ പോലും രണ്ടക്കം കണ്ടില്ല എന്ന നാണക്കേടും ഇന്ത്യ സമ്ബാദിച്ചു. എട്ട് റണ്‍സ് വഴങ്ങി അഞ്ച് വിക്കറ്റുകള്‍ കൊയ്ത ജോഷ് ഹേസില്‍വുഡും 21 റണ്‍സിന് നാല് വിക്കറ്റ് വീഴ്ത്തിയ പാറ്റ് കമ്മിന്‍സും ചേര്‍ന്നാണ് ഇന്ത്യയെ എറിഞ്ഞിട്ടത്.
90 റണ്‍സ് വിജയലക്ഷ്യവുമായി ബാറ്റിംഗിനിറങ്ങിയ ഓസീസ് ഒടുവില്‍ വിവരം ലഭിക്കുമ്ബോള്‍ വിക്കറ്റ് നഷ്ടമാകാതെ നാല് റണ്‍സ് നേടിയിട്ടുണ്ട്.
