ചെന്നൈ: ജനപ്രിയ സംവിധായകന് ഐ.വി.ശശിയുടെ സംസ്കാരം ഇന്ന് ചെന്നൈയില് നടക്കും. സാലിഗ്രാമിലെ വീട്ടില് പൊതുദര്ശനത്തിന് ശേഷം വൈകീട്ട് ആറിന് പൊരൂര് വൈദ്യുതി ശ്മശാനത്തിലാണ് സംസ്കാര ചടങ്ങുകള്. ഓസ്ട്രേലിയയിലുള്ള മകള് അനു വന്നതിനു ശേഷമായിരിക്കും ചടങ്ങുകള് ആരംഭിക്കുക.
കോഴിക്കോട് സ്വദേശിയാണ് ഐ.വി ശശി. അതുകൊണ്ടുതന്നെ സംസ്കാരം നാട്ടില് നടത്തുന്നതിനെ കുറിച്ചും ആലോചന നടന്നിരുന്നു. എന്നാല് കുടുംബം ചെന്നൈയില് സ്ഥിരതാമസമാക്കിയ സാഹചര്യത്തില് ചെന്നൈയില് തന്നെ നടത്താന് തീരുമാനിക്കുകയായിരുന്നു.
നടൻ മമ്മൂട്ടിയുൾപ്പടെ ഒട്ടേറെ പ്രമുഖർ ഇന്ന് ഐ വി ശശിയ്ക്ക് അന്തിമോപചാരമർപ്പിയ്ക്കാനെത്തുമെന്നാണ് കരുതുന്നത്. ഇന്നലെ മോഹൻലാലും കമലഹാസനും മുതിർന്ന അഭിനേത്രി ശാരദയുമുൾപ്പടെ ഒട്ടേറെ പ്രമുഖർ ഐ.വി.ശശിയ്ക്ക് അന്ത്യാഞ്ജലികളർപ്പിയ്ക്കാനെത്തിയിരുന്നു.
മകളുടെ അടുത്തേക്ക് ഭാര്യ സീമയ്ക്കും മകന് അനിക്കുമൊപ്പം ഇന്ന് രാത്രി യാത്ര തിരിക്കാനിരിക്കേയാണ് മരണം ഐ.വി ശശിയെ കവര്ന്നെടുത്തത്. യാത്രയ്ക്കുള്ള ടിക്കറ്റും വീല്ചെയര് അടക്കമുള്ള മറ്റ് സൗകര്യങ്ങളും ഒരുക്കിയിരുന്നു. ദീര്ഘകാലമായി കരള് അര്ബുദത്തിന് ചികില്സയിലായിരുന്നുവെങ്കിലും അപ്രതീക്ഷിതമായി കടന്നു വന്ന മരണം മലയാള സിനിമാ ലോകത്തെ കണ്ണീരിലാഴ്ത്തിയിരിക്കുകയാണ്.