നാലുകാമറകളും ഗ്ലാസ് ശരീരവുമുള്ള ‘ഹ്വാവെ ഹോണര്‍ 9 ലൈറ്റ്’ ഇന്ത്യയിലേക്ക് എത്തുന്നു. 2017 ഡിസംബറില്‍ ചൈനയില്‍ അവതരിപ്പിച്ച ഫോണ്‍ നാല്കാമറയുള്ള ഹ്വാവെയുടെ രണ്ടാമത്തെ മോഡല്‍ ആണ്.
മുന്നിലും പിന്നിലും 13 മെഗാപിക്സല്‍- രണ്ട് മെഗാപിക്സല്‍ കാമറകള്‍ വീതമാണുള്ളത്. പിന്നില്‍ എല്‍.ഇ.ടി ഫ്ലാഷും ഫേസ് ഡിറ്റഷന്‍ ഒാട്ടോ ഫോക്കസുമുണ്ട്. ഇരട്ട നാനോ സിം, ആന്‍ഡ്രോയിഡ് 8.0 ഒാറിയോ അടിസ്ഥാനമായ ഇ.എം.യു. ഐ 8.0 ഒാപറേറ്റിങ് സിസ്റ്റം, 1080×2160 പിക്സല്‍ ഫുള്‍ എച്ച്‌.ഡി റസലൂഷനുള്ള 5.65 ഇഞ്ച് ഡിസ്പ്ലേ, ഒരു ഇഞ്ചില്‍ 428 പിക്സല്‍ വ്യക്തത, 18:9 അനുപാതത്തിലുള്ള സ്ക്രീന്‍, 2.36 ജിഗാഹെര്‍ട്സ് എട്ടുകോര്‍ ഹ്വാവെ ഹിസിലിക്കോണ്‍ കിരിന്‍ 659 പ്രോസസര്‍ തുടങ്ങിയവ ഇതിന്‍റെ പ്രത്യേകതകളാണ്.
കൂടാതെ 256 ജി.ബി കൂട്ടാവുന്ന 32-64 ജി.ബി ഇന്‍റെണല്‍ മെമ്മറി, മൂന്ന്-നാല് ജി.ബി റാം, 3000 എം.എ.എച്ച്‌ ബാറ്ററി, ഫോര്‍ജി വി.ഒ.എല്‍.ടി.ഇ, വൈ ഫൈ, ബ്ലൂടൂത്ത്, എ-ജി.പി.എസ്, 3.5 എം.എം ജാക്, ഒ.ടി.ജി പിന്തുണ, 149 ഗ്രാം ഭാരം എന്നിവയാണ് വിശേഷങ്ങള്‍.
മൂന്ന് ജി.ബി റാം- 32 ജി.ബി മെമ്മറി പതിപ്പിന് ഏകദേശം 15,600 രൂപയും നാല് ജി.ബി റാം-64 ജി.ബി പതിപ്പിന് ഏകദേശം17,500 രൂപയുമാണ് ചൈനയില്‍ വില.
