കോഴിക്കോട്: സുപ്രീംകോടതി വിധിയിലൂടെ തനിക്ക് സ്വാതന്ത്ര്യം ലഭിച്ചെന്ന് ഹാദിയ. തന്‍റെ വിവാഹം ചര്‍ച്ചയായത് മതംമാറിയത് കൊണ്ടാണെന്നും പോപ്പുലര്‍ ഫ്രണ്ടാണ് എല്ലാ സഹായങ്ങളും നല്‍കിയതെന്നും ഹാദിയ പറഞ്ഞു. കോഴിക്കോട് പോപ്പുലര്‍ ഫ്രണ്ട് നേതാവ് പി. അബ്ബൂബക്കറിനെ സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു ഹാദിയയും ഷെഫിന്‍ ജഹാനും.
പ്രായപൂര്‍ത്തിയായ തങ്ങള്‍ക്ക് സ്വന്തം തീരുമാനമെടുക്കാനുള്ള അവകാശമുണ്ട്. മറ്റു സംഘടനകളും സഹായങ്ങള്‍ നല്‍കയിട്ടുണ്ടെങ്കിലും അവകാശ സംരക്ഷണത്തിനായി നിയമ പോരാട്ടത്തിന് കൂടെ നിന്നത് പോപ്പുലര്‍ ഫ്രണ്ടാണ് എന്ന് ഷെഫിന്‍ ജഹാന്‍ വ്യക്തമാക്കി.
രാത്രി വളരെ വൈകിയാണ് നാട്ടിലെത്തിയത്. മൂന്നു ദിവസത്തെ അവധി മാത്രമേയുള്ളൂ. സുഹൃത്തുക്കളേയും മാതാപിതാക്കളെയും കാണേണ്ടതുണ്ട്. അവധി കഴിഞ്ഞ് പോകുന്നതിന് മുമ്പ് മാധ്യമങ്ങളോട് വിശദമായി സംസാരിക്കുമെന്നും ഇരുവരും വ്യക്തമാക്കി.
