പഞ്ചകുല: ദേര സച്ച സൗദ തലവന് ഗുര്മീത് റാം റഹിം സിംഗിന് ജാമ്യം. വന്ധ്യംകരിച്ച കേസില് പഞ്ചകുല സിബിഐ പ്രത്യേക കോടതിയാണ് ഗുര്മീതിന് ജാമ്യം അനുവദിച്ചത്. നേരത്തെ ജുഡീഷല് മജിസ്ട്രേറ്റ് കോടതി ഈ കേസില് ഗുര്മീതിന്റെ ജാമ്യ ഹര്ജി തള്ളിയിരുന്നു. ഇതോടെ ഗുര്മീത് സിബിഐ കോടതിയെ സമീപിക്കുകയായിരുന്നു.
അതേസമയം ജാമ്യം ലഭിച്ചാലും വനിത അനുയായിയെ മാനഭംഗക്കപ്പെടുത്തിയ കേസില് ശിക്ഷ അനുഭവിക്കുന്ന ഗുര്മീത് ജയിലില് തുടരേണ്ടിവരും. അനുയായിയെ മാനഭംഗപ്പെടുത്തിയ കേസില് 20 തടവ് ശിക്ഷയാണ് ഗുര്മീത് അനുഭവിക്കുന്നത്. കഴിഞ്ഞ വര്ഷം സെപ്റ്റംബറിലാണ് ഗുര്മീതിനെ സിബിഐ കോടതി ശിക്ഷിച്ചത്.
ഗുര്മീത് റാം റഹിം മാനംഭംഗക്കേസില് കുറ്റക്കാരനാണെന്നു കോടതി കണ്ടെത്തിയതിനേത്തുടര്ന്നു ഹരിയാനയിലുണ്ടായ അക്രമങ്ങളില് നിരവധി പേര് കൊല്ലപ്പെട്ടിരുന്നു.