പുതുപുത്തന്‍ സവിശേഷതകളുമായി ജിയോണിയുടെ ഏറ്റവും പുതിയ മോഡല്‍ സ്മാര്‍ട്ട്ഫോണ്‍ എം7 പവര്‍ പുറത്തിറങ്ങി. 16,999 രൂപ വില വരുന്ന ഈ പുതിയ മോഡല്‍ നവംബര്‍ 25നകം ഓണ്‍ലൈന്‍ മാര്‍ക്കറ്റില്‍ ലഭ്യമാകുമെന്നാണ് റിപ്പോര്‍ട്ട്.
5000 എം.എ.എച്ച്‌ ബാറ്ററിയുമായെത്തുന്ന ഈ ഫോണില്‍ ആറ് ഇഞ്ച് ഡിസ്പ്ലേയാണുള്ളത്. ഡ്യൂവല്‍ സിം, ഗോറില്ല ഗ്ലാസ് സംരക്ഷണം, 1.4GHz ഒക്ടകോര്‍ സ്നാപ്ഡ്രാഗണ്‍ 435 എസ്. ഒ.സി, 4 ജിബി റാം, മൈക്രോ എസ്ഡി കാര്‍ഡ് വഴി 256 ജിബി വരെ വര്‍ധിപ്പിക്കാവുന്ന 64 ജിബി ഇന്‍റെണല്‍ സ്റ്റോറേജ്, ഫിംഗര്‍ പ്രിന്‍റ് സ്കാനര്‍, എല്‍ഇഡി ഫ്ളാഷോടു കൂടിയ എഫ്.എഫ് 2.0 ഓപറേറ്ററുള്ള 13 മെഗാപിക്സല്‍ ഓട്ടോഫോക്കസ് റിയര്‍ ക്യാമറ, എഫ് / 2.2 അപ്പെര്‍ച്ചര്‍ ഉള്ള 8 മെഗാപിക്സല്‍ ഫിക്സഡ് ഫോക്കസ് സെല്‍ഫി ക്യാമറ എന്നിവയും ഫോണിലുണ്ട്.
വൈഫൈ, ബ്ലൂടൂത്ത്, ജിപിഎസ്, എ-ജിപിഎസ്, മൈക്രോ യുഎസ്ബി, എഫ്.എം റേഡിയോ,3.5 എം.എം ഹെഡ്ഫോണ്‍ ജാക്ക് എന്നിങ്ങനെയുള്ള കണക്ടിവിറ്റി ഓപ്ഷനുകളും ഈ മോഡലിന്‍റെ സവിശേഷതകളാണ്. 5000 എംഎഎച്ച്‌ ബാറ്ററിയുള്ള എം 7 പവറില്‍ 56 മണിക്കൂര്‍ വരെ ടോക്ക് ടൈമും 625 മണിക്കൂര്‍ സ്റ്റാന്‍ഡ്ബൈ സമയവും ലഭിക്കുമെന്ന് റിപ്പോര്‍ട്ടില്‍ പറയുന്നു. മാത്രമല്ല ആപ്പ് ക്ലോണ്‍ ഫീച്ചറിലും ഈ പുതിയ ഫോണ്‍ പ്രവര്‍ത്തിപ്പിക്കാന്‍ സാധിക്കും.
റിലയന്‍സ് ജിയോയുമായി ചേര്‍ന്ന് ആകര്‍ഷകമായ ഓഫറുകളും കമ്പനി അവതരിപ്പിച്ചിട്ടുണ്ട്. 100 ജി.ബി ഇന്‍റര്‍നെറ്റ് ഡാറ്റയും ആദ്യത്തെ പത്ത് റീച്ചാജുകളില്‍ 10 ജി.ബി അധിക ഡാറ്റയുമാണ് ഉപഭോക്താക്കള്‍ക്ക് ലഭ്യമാകുക.
