എടപ്പാള്‍: മത്സരിക്കാന്‍ സീറ്റ് ലഭിച്ചു എന്നതുകൊണ്ട് താന്‍ കോണ്‍ഗ്രസുകാരനോ മുസ്ലിം ലീഗുകാരനോ ആവില്ലെന്ന് തവനൂര്‍ മണ്ഡലം യു.ഡി.എഫ് സ്ഥാനാര്‍ഥി ഫിറോസ് കുന്നംപറമ്ബില്‍. ജീവകാരുണ്യ പ്രവര്‍ത്തകന്‍ എന്ന പരിഗണന വെച്ചാണ് യു.ഡി.എഫ് നേതൃത്വം സീറ്റ് അനുവദിച്ചത്.
കൈപ്പത്തി ചിഹ്നത്തില്‍ മത്സരിച്ചുവെന്ന് കരുതി നിലവിലോ ഭാവിയിലോ ഒരു രാഷ്ട്രീയ പാര്‍ട്ടിയുടെയും ആളാവാന്‍ തീരുമാനിച്ചിട്ടില്ലെന്നും അദ്ദേഹം പറഞ്ഞു. കോണ്‍ഗ്രസുമായി ബന്ധമില്ലാത്തവരാണ് താന്‍ മത്സരിക്കുന്നതിനെതിരെ പ്രതിഷേധം നടത്തിയത്.
പേമെന്‍റ് സീറ്റാണെന്ന് ആരോപണമുന്നയിക്കുന്നവര്‍ തെളിവുകള്‍ നിരത്തണം. തവനൂര്‍ മണ്ഡലം വികസന മുരടിപ്പിലാണെന്നും അദ്ദേഹം പറഞ്ഞു.
