പത്തനംതിട്ട: ജില്ലയിലെ വിവിധ സ്ഥലത്ത് ഭൂചലനം ഉണ്ടായതായി സംശയം. പള്ളിക്കല് പഞ്ചായത്തിലെ പതിനാലാം മൈല്, പഴകുളം, നൂറനാട്, പാലമേല് പഞ്ചായത്തുകള്, ആദിക്കാട്ടുകുളങ്ങര, ചാരുംമൂട്, കുരമ്പാല തെക്ക്, കുടശനാട് എന്നീ മേഖലകളിലാണ് ഭൂചലനം ഉണ്ടായതായി സംശയിക്കുന്നത്.
ഈ പ്രദേശങ്ങളില് വലിയ ശബ്ദത്തോടെ മുഴക്കമുണ്ടായതായി നാട്ടുകാര് പറഞ്ഞു. പല ഭാഗത്തെയും വീടുകളുടെ ഭിത്തികള് വിണ്ടുകീറിയിട്ടുണ്ട്.
അതേസമയം, ഇതിനെ സംബന്ധിച്ച് ഒൗദ്യോഗികമായി സ്ഥിരീകരണം ലഭിച്ചിട്ടില്ല. കാലാവസ്ഥാ നിരീക്ഷണ കേന്ദ്രത്തിന്റെ കൈവശമുള്ള ഉപകരണങ്ങളില് ഇപ്പോഴുണ്ടായെന്നു പറയുന്ന ചലനം രേഖപ്പെടുത്തിയിട്ടില്ലെന്നും അധികൃതര് വ്യക്തമാക്കി.