ന്യൂഡല്ഹി: അണുനാശിനി ഉപയോഗിച്ച് കൈകഴുകലാണ് കോവിഡ് 19 ബാധ പടരാതിരിക്കാനുള്ള പ്രധാന മാര്ഗം. തുമ്മുേമ്ബാഴും ചുമക്കുേമ്ബാഴും വായ് പൊത്തിപ്പിടിക്കാനും ശേഷം അണുനാശിനി ഉപയോഗിച്ച് കൈകഴുകാനും ഡോക്ടര്മാര് നിര്ദ്ദേശിച്ചിരുന്നു.
കോവിഡ് -19 രാജ്യമെമ്ബാടും പടര്ന്നതോടെ കൈകഴുകുന്ന അണുനാശിനികള്ക്ക് മാര്ക്കറ്റില് വന് ഡിമാന്ഡാണ്. വന്തോതില് വില്പ്പന നടന്നതോടെ വിപണികളില് ഇവ കിട്ടാക്കനിയായി. ഡിമാന്ഡ് വര്ധിച്ചതോടെ വിലയും കൂട്ടി.
ലോകത്ത് 60തില് അധികം രാജ്യങ്ങളില് കൊറോണ വൈറസ് ബാധ പടര്ന്നുകഴിഞ്ഞു. ജനുവരി മുതലാണ് ചൈനക്കാരും മറ്റു രാജ്യക്കാരും കൊറോണക്കെതിരെ മുന്നറിയിപ്പ് നല്കി തുടങ്ങിയത്. കൈയും മുഖവുമെല്ലാം അണുനാശിനി ഉപയോഗിച്ച് വൃത്തിയാക്കലാണ് കൊറോണയെ ബാധിക്കാതിരിക്കാനുള്ള പ്രധാന മാര്ഗമായി ഡോക്ടര്മാര് നിര്ദേശിക്കുന്നത്.
ഉപഭോഗം വര്ധിച്ചതോടെ ഹാന്ഡ്വാഷിന്െറ വിലയും ഇപ്പോള് റോക്കറ്റ്പോലെ കുതിച്ചു. യു.കെയില് മാത്രം 260 ശതമാനമാണ് അണുനാശിനികളുടെ വില്പ്പന ഉയര്ന്നത്. യു.എസില് ഇത് 73 ശതമാനവും. അണുനാശിനികെള കൂടാതെ എന്-95 മാസ്കും ഡോക്ടര്മാര് കൊറോണ പ്രതിരോധത്തിന്െറ ഭാഗമായി നിര്ദേശിച്ചിരുന്നു. ഇവയും ഇപ്പോള് വിപണിയില് ലഭ്യമല്ല.
ഇന്ത്യയിലെ വിവിധ നഗരങ്ങളില് ഹാന്ഡ് വാഷിന്െറ വില്പന ഫെബ്രുവരിയില് ഉയര്ന്നിരുന്നു. കേരളത്തില് കൊറോണ റിപ്പോര്ട്ട് ചെയ്തതുമുതലായിരുന്നു അത്. റീട്ടെയില് കടകള്ക്ക് പുറെമ ഓണ്ലൈന് വിപണന കേന്ദ്രങ്ങളിലും ഇവ ലഭ്യമല്ലെന്നാണ് റിപ്പോര്ട്ട്. ഡല്ഹിയില് കൊറോണ വൈറസ് റിപ്പോര്ട്ട് ചെയ്യുകയും നോയിഡയില് ഒരു സ്കൂള് അടച്ചിടുകയും ചെയ്തതോടെ ഡല്ഹിയിലെ വിവിധ ഭാഗങ്ങളില് അണുനാശിനികളും മാസ്കും വന്തോതില് വിറ്റുപോയതായും പലയിടങ്ങളിലും ഇവ ലഭ്യമല്ലാതായതായും പറയുന്നു.
