കോഴിക്കോട് : വടകരയിലെ സിപിഎം സ്ഥാനാര്ത്ഥിയും കണ്ണൂര് മുന് സിപിഎം ജില്ലാ സെക്രട്ടറിയുമായ പി ജയരാജനെ കൊലയാളിയെന്ന് വിളിച്ച് ആക്ഷേപിച്ചുവെന്ന പരാതിയില് ആര്എംപി നേതാവ് കെ കെ രമയ്ക്കെതിരെ കേസെടുത്തു. രമക്കെതിരെ കേസെടുക്കാന് വടകര ജുഡീഷല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് ഉത്തരവിട്ടത്. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് നല്കിയ പരാതിയിലാണ് നടപടി.
വോട്ടര്മാര്ക്കിടയില് തെറ്റിദ്ധാരണ പരത്താനും പൊതുജന മധ്യത്തില് സ്ഥാനാര്ഥിയെ അപകീര്ത്തിപ്പെടുത്താനും കെ.കെ. രമ ശ്രമിച്ചുവെന്നും ഇതിനെതിരെ മാതൃകാ പെരുമാറ്റചട്ടപ്രകാരം നടപടി സ്വീകരിക്കണമെന്നും ആവശ്യപ്പെട്ടാണ് കോടിയേരി ബാലകൃഷ്ണന് തെരഞ്ഞെടുപ്പ് കമ്മീഷന് പരാതി നല്കിയിരുന്നത്. തെരഞ്ഞെടുപ്പില് പി ജയരാജനെ തോല്പ്പിക്കാന് യുഡിഎഫിന് പിന്തുണ നല്കുമെന്ന് ആര്എംപി പ്രഖ്യാപിച്ചിട്ടുണ്ട്.