തിരുനല്വേലി: തമിഴ്നാട് മുഖ്യ മന്ത്രി എടപ്പാടി പളനിസാമിയെയും തമിഴ്നാട് പൊലീസ് കമ്മീഷണറെയും കാര്ട്ടൂണില് കളിയാക്കി ചിത്രീകരിച്ച കേസില് അറസ്റ്റിലായ കാര്ട്ടൂണിസ്റ്റ് ജി. ബാലക്ക് ജാമ്യം. തിരുനെല്വേലി മജിസ്ട്രേറ്റ് കോടതിയാണ് ജാമ്യം അനുവദിച്ചത്.
കൊള്ളപ്പലിശക്കാരുടെ ഭീഷണി മൂലം ദമ്പതിമാരും രണ്ടു കുട്ടികളും തിരുനെല്വേലി കളക്ടറേറ്റ് വളപ്പില് ഒക്ടോബര് 23നു ജീവനൊടുക്കിയ സംഭവം ആസ്പദമാക്കി ബാല വരച്ച കാര്ട്ടൂണാണു വിവാദമായത്.
തമിഴ്നാട് മുഖ്യമന്ത്രിയുടെയും ജില്ലാ കലക്ടറുടെയും പൊലീസ് മേധാവിയുടെയും നഗ്ന ചിത്രങ്ങളില് സ്വാകാര്യ ഭാഗങ്ങള് കറന്സി നോട്ടുകള്ക്കൊണ്ട് മറച്ച നിലയിലും മുന്പിലായി കത്തുന്ന ശരീരവുമായി നില്ക്കുന്ന കുട്ടിയെയുമാണ് ബാല കാര്ട്ടൂണില് ചിത്രീകരിച്ചത്.
