ചെന്നൈ: ഡി.എം.കെയെ സംബന്ധിച്ച് ബിജെപി ഒരു എതിരാളിപോലുമല്ലെന്ന് കനിമൊഴി എംപി. തമിഴ്നാട്ടിലെ ജനങ്ങള് ആഗ്രഹിക്കുന്നത് ഡി.എം.കെ അധികാരത്തില് എത്തണമെന്നാണെന്ന് ഡി.എം.കെ നേതാവ് പറഞ്ഞു. തമിഴ്നാട്ടിലെ ജനങ്ങള്ക്ക് മാറ്റം ആവശ്യമാണെന്നും ആ മാറ്റമാണ് ഡി.എം.കെ എന്നും അവര് പറഞ്ഞു. തമിഴ്നാട് ഭരിക്കുന്നത് എ.ഐ.എ.ഡി.എം.കെ സര്ക്കാരാണെങ്കിലും തീരുമാനങ്ങള് എടുക്കുന്നത് ഡല്ഹിയില് നിന്നാണെന്നും കനിമൊഴി പറഞ്ഞു. എ.ഐ.എ.ഡി.എം.കെയുടെ അവസ്ഥ വളരെ പരിതാപകരമാണെന്നും പാര്ട്ടി ഏതുനിമിഷവും പിളര്ന്നുപോയേക്കാമെന്ന പേടി പാര്ട്ടിക്കുണ്ടെന്നും കനിമൊഴി പറഞ്ഞു.