കൊച്ചി: നടി ആക്രമിക്കപ്പെട്ട കേസില് നടന് ദിലീപിന്റെ മാനേജര് അപ്പുണ്ണിയും കേസില് പ്രതിയാകും. സുനില് കുമാറിന് പണം നല്കി ഒത്തുതീര്പ്പിന് അപ്പുണ്ണി ശ്രമിച്ചെന്ന് പോലീസ്. അന്വേഷണ സംഘം ചോദ്യം ചെയ്യാന് വിളിച്ചിട്ടും അപ്പുണ്ണി ഹാജരായില്ല.
പൊലീസ് തെരച്ചില് തുടങ്ങിയ ശേഷം അപ്പുണ്ണി ഒളിവിലാണെന്നാണ് സൂചന. ഇയാളെ അന്വേഷണ സംഘം അറസ്റ്റ് ചെയ്തേക്കുമെന്ന് റിപ്പോര്ട്ടുകള് പുറത്തുവരുന്നതിനിടയിലാണ് ഇയാള് ഒളിവില് പോയത്. കേസിലെ അപ്പുണ്ണിയുടെ പങ്കിനെക്കുറിച്ച് റിമാന്ഡ് റിപ്പോര്ട്ടില് സൂചനയുണ്ടായിരുന്നു. അപ്പുണ്ണിയുടെ ഏലൂരിലെ വീട്ടില് പോലീസ് എത്തിയെങ്കിലും കണ്ടെത്താനായില്ല. കേസില് അപ്പുണ്ണിക്ക് നേരിട്ട് പങ്കുള്ളതായി പോലീസ് കണ്ടെത്തിയിരുന്നു. സുനില് കുമാര് നടിയെ ആക്രമിക്കുന്നതിന് മുന്പും ശേഷവും അപ്പുണ്ണിയുമായി നിരന്തരം ബന്ധപ്പെട്ടതിന് പോലീസിന് തെളിവ് ലഭിച്ചിരുന്നു.അപ്പുണ്ണിക്കായി പൊലീസ് തെരച്ചില് ഊര്ജിതമാക്കി.
