വാഷിംഗ്ടണ്‍ ഡിസി: അമേരിക്കന്‍ പ്രസിഡന്‍റ് ഡോണള്‍ഡ് ട്രംപിനെതിരേ രൂക്ഷ വിമര്‍ശനവുമായി മുന്‍ പ്രസിഡന്‍റ് ബരാക് ഒബാമ. അമേരിക്കന്‍ പ്രസിഡന്‍റ് പദവിയില്‍ തുടരാന്‍ ട്രംപ് അയോഗ്യനാണ്. ഡെമോക്രാറ്റിക് കണ്‍വെന്‍ഷന്‍റെ മൂന്നാം രാത്രിയിലായിരുന്നു ഒബാമയുടെ വിമര്‍ശനം.
രാജ്യത്തെ ജനാധിപത്യത്തിന്‍റെ നിലനില്‍പ്പ് ശക്തമാക്കാന്‍ ഡെമോക്രാറ്റിക് പാര്‍ട്ടി പ്രസിഡന്‍റ് സ്ഥാനാര്‍ഥി ജോ ബൈഡന് വോട്ടു ചെയ്യേണ്ടത് ആവശ്യമാണെന്ന് ഒബാമ പറഞ്ഞു. പ്രസിഡന്‍റിന്‍റെ ചുമതലയില്‍ ഏര്‍പ്പെടാന്‍ ട്രംപിന് താല്‍പര്യമില്ല. ജനങ്ങളുടെ ശ്രദ്ധ ആകര്‍ഷിക്കാന്‍ പ്രസിഡന്‍റ് സ്ഥാനത്തിരുന്ന് റിയാലിറ്റി ഷോ കളിക്കാനാണ് ട്രംപ് ശ്രമിക്കുന്നതെന്നും ഒബാമ വിമര്‍ശിച്ചു.
