ഗാന്ധിനഗര്‍: കോണ്‍ഗ്രസ് എം പി അഹമ്മദ് പട്ടേല്‍ രാജ്യസഭയില്‍നിന്ന് രാജിവയ്ക്കണമെന്ന ആവശ്യവുമായി ഗുജറാത്ത് മുഖ്യമന്ത്രി വിജയ് രൂപാണി. രണ്ട് ദിവസം മുമ്പ് ഭീകര വിരുദ്ധ സ്വാഡ് അറസ്റ്റ് ചെയ്ത മുഹമ്മദ് ഖാസിം എന്ന ഭീകരന്‍ അഹമ്മദ് പട്ടേലിന് ബന്ധമുളള സര്‍ദാര്‍ പട്ടേല്‍ ആശുപത്രിയില്‍ എക്കോ ടെക്നീഷ്യനായി ജോലിചെയ്യുകയായിരുന്നു. ഇതിന് പട്ടേല്‍ ഉത്തരം പറയണമെന്നും അദ്ദേഹം പറഞ്ഞു.
പിടിയിലായവര്‍ ക്ഷേത്രങ്ങള്‍ ആക്രമിക്കാന്‍ പദ്ധതിയിട്ടിരുന്നു. ഇവര്‍ അറസ്റ്റിലാകുന്നതിന് രണ്ട് ദിവസം മുന്‍പ് ഇവരെ ജോലിയില്‍ നിന്ന് പിരിച്ച്‌ വിട്ടിരുന്നു. അതിനാല്‍ത്തന്നെ ഇവര്‍ ഭീകരര്‍ ആയിരുന്നു എന്നത് അഹമ്മദ് പട്ടേലിന് അറിയാമായിരുന്നു എന്നും അദ്ദേഹം ആരോപിച്ചു.
എന്നാല്‍ രൂപാണിയുടെ ആരോപണം പൂര്‍ണമായും അടിസ്ഥാനരഹിതമാണെന്നുും ദേശീയ സുരക്ഷയുമായി ബന്ധപ്പെട്ട വിഷയത്തെ രാഷ്ട്രീയവത്കരിക്കരുതെന്നും അഹമ്മദ് പട്ടേല്‍ വ്യക്തമാക്കി. 2014 ല്‍ ആശുപത്രി അധികാരിയുടെ സ്ഥാനത്ത് നിന്നും രാജിവെച്ചിരുന്നുവെന്നും അദ്ദേഹം പറഞ്ഞു.
