തിരുവനന്തപുരം: അട്ടപ്പാടിയില്ക്രൂര മര്ദനത്തിനിരയായി കൊല്ലപ്പെട്ട ആദിവാസി യുവാവ് മധുവിന്റെതെന്ന പേരില് സോഷ്യല്മീഡിയയില് പ്രചരിക്കുന്ന ചിത്രം വ്യാജം. ഫൈസി ഡെന്സന് എന്നയാളുടെ ഫോട്ടോയാണ് മധുവിന്റെതെന്ന പേരില് പ്രചരിച്ചത്.
സാമൂഹിക പ്രവര്ത്തകയായ ധന്യാരാമന് ആണ് ഫേസ്ബുക്കില് ഫോട്ടോ പോസ്റ്റ് ചെയ്തിരുന്നത്. മധുവിന്റെ കുടുംബക്കാരുമായി ബന്ധപ്പെട്ട് ആധികാരികത ഉറപ്പാക്കിയിരുന്നു എന്നും അവര് പറഞ്ഞിരുന്നു.
മധു പഠനകാലത്തും ശേഷവും എന്ന ക്യാപ്ഷനോടെയാണ് ചിത്രം പോസ്റ്റ് ചെയ്തിരുന്നത്. കെഐഎച്ച്ആര്ഡി എന്ന സ്ഥാപനത്തില് ഒന്നിച്ചുപഠിച്ച സഹപാഠികളുടെ ഗ്രൂപ്പ് ഫോട്ടോ എന്ന പേരിലാണ് ആ ഫോട്ടോ പ്രചരിച്ചത്. എന്നാല് ചിത്രത്തിലുള്ളത് താനും സഹപാഠികളും ആണെന്ന് ഫൈസി വ്യക്തമാക്കി.
