പത്തനംതിട്ട: തിരുവല്ല പുഷ്പഗിരി മെഡിസിറ്റിയില് വിദ്യാര്ത്ഥി ആത്മഹത്യക്ക് ശ്രമിച്ചു. രണ്ടാം വര്ഷ ബിഫാം വിദ്യാര്ത്ഥി കൊല്ലം സ്വദേശി ഹാറൂണ് യൂസഫാണ് ഇന്റെണല് മാര്ക്ക് കുറക്കുന്നുവെന്ന് ആരോപിച്ച് കൈഞരമ്പ് മുറിച്ച് ആത്മഹത്യയ്ക്ക് ശ്രമിച്ചത്.
ഇതിനു പിന്നാലെ ഇന്റേണല് മാര്ക്ക് അകാരണമായി കുറച്ചും കോളജില് രാഷ്ട്രീയമായി സംഘടിക്കാന് അനുവദിക്കാതെയും അധ്യാപകര് മാനസികമായി പീഡിപ്പിക്കുന്നുവെന്ന് ആരോപിച്ച് ഹാറൂന് നിഖില് എന്നീ രണ്ട് വിദ്യാര്ത്ഥികളും ഫാര്മസി കെട്ടിടത്തിന് മുകളില് കയറി ആത്മഹത്യാ ഭീഷണി മുഴക്കി.
തുടര്ന്ന് എസ്എഫ്ഐ, ഡിവൈഎഫ്ഐ പ്രവര്ത്തകരും പൊലീസും കോളെജ് അധികൃതരുമായി ചര്ച്ച നടത്തി. ആത്മഹത്യാക്കുറിപ്പില് പേരുള്ള അധ്യാപകര്ക്കെതിരെ നടപടിയെടുക്കാമെന്ന് ഒത്തുതീര്പ്പ് ചര്ച്ചയില് തീരുമാനമായി. ഒപ്പം ഇന്റെണല് മാര്ക്ക് മനപൂര്വം കുറച്ചിട്ടുണ്ടോയെന്ന് കണ്ടെത്താന് ഉത്തരക്കടലാസുകള് വീണ്ടും പരിശോധിക്കുമെന്നും അധികൃതര് ഉറപ്പ് നല്കിയതോടെയാണ് വിദ്യാര്ത്ഥികള് താഴെയിറങ്ങിയത്.
