ആറാട്ടുപുഴ: മരിച്ചിട്ട് അഞ്ചുവര്ഷമായ യുവാവിെന്റ കുഴിമാടം തുറന്നുള്ള പരിശോധന ബുധനാഴ്ച രാവിലെ 10ന് നടക്കും. തൃക്കുന്നപ്പുഴ പാനൂര് പൂത്തറയില് മുഹമ്മദ് മുസ്തഫയുടെ (34) മൃതദേഹമാണ് പുറത്തെടുത്ത് പോസ്റ്റ്മോര്ട്ടം ചെയ്യുന്നത്. ഇതിെന്റ നടപടിക്രമങ്ങള് പൂര്ത്തിയായതായി ചെങ്ങന്നൂര് ആര്.ഡി.ഒ അറിയിച്ചു.
മരണത്തില് ദുരൂഹത ആരോപിച്ച് മുസ്തഫയുടെ ഭാര്യയായിരുന്ന സുമയ്യയുടെ ബന്ധു പല്ലന കൊക്കാടം തറയില് ഇര്ഷാദ് ഹൈകോടതിയില് സമര്പ്പിച്ച ഹരജിയിലാണ് നടപടി. ദുരൂഹമരണമാണെന്ന് സുമയ്യയും പൊലീസിന് മൊഴികൊടുത്തിരുന്നു. പാനൂര് വരവുകാട് ജുമാമസ്ജിദ് ഖബര്സ്ഥാനിലാണ് മൃതദേഹം അടക്കം ചെയ്തത്. മൃതദേഹം പുറത്തെടുത്ത് പോസ്റ്റ്മോര്ട്ടം ചെയ്യുന്നതിന് സൗകര്യമൊരുക്കിത്തരണമെന്ന് ആവശ്യപ്പെട്ട് ആര്.ഡി.ഒയും തൃക്കുന്നപ്പുഴ പൊലീസും പാനൂര് ജമാഅത്ത് കമ്മിറ്റിക്ക് കത്ത് നല്കി. എല്ലാവിധ പിന്തുണയും നല്കുമെന്ന് പ്രസി. അഡ്വ. എം. ഇബ്രാഹിംകുട്ടി പറഞ്ഞു.
2015 നവംബര് 15നാണ് മുസ്തഫ മരിച്ചത്. ഹൃദയാഘാതമാണ് മരണകാരണമെന്നാണ് ബന്ധുക്കള് പറഞ്ഞത്. അതിനാല് പോസ്റ്റ്മോര്ട്ടം കൂടാതെയാണ് മൃതദേഹം പാനൂര് വരവുകാട് ജുമാമസ്ജിദ് ഖബര്സ്ഥാനില് അടക്കിയത്.
