നാദാപുരം: എടച്ചേരി നോര്‍ത്തില്‍ സി.പി.ഐ വിട്ട് സി.പി.എമ്മുമായി സഹകരിച്ച്‌ പ്രവര്‍ത്തിക്കാന്‍ തീരുമാനിച്ച 99 സി.പി.ഐ പ്രവര്‍ത്തകര്‍ക്കും ഒരു കോണ്‍ഗ്രസ്, എല്‍.ജെ.ഡി പ്രവര്‍ത്തകനും സ്വീകരണം നല്‍കി.
എടച്ചേരി മീശമുക്കില്‍ സംഘടിപ്പിച്ച സ്വീകരണ പരിപാടി ജില്ല സെക്രട്ടറി പി. മോഹനന്‍ ഉദ്ഘാടനംചെയ്തു. രാജിവെച്ചവരെ ഹാരാര്‍പ്പണം നടത്തി പതാക കൈമാറി സ്വീകരിച്ചു. 26 കുടുംബങ്ങളില്‍നിന്നാണ് പ്രവര്‍ത്തകര്‍ സി.പി.എമ്മുമായി സഹകരിച്ച്‌ പ്രവര്‍ത്തിക്കാന്‍ തീരുമാനിച്ചത്. മുന്‍ സി.പി.ഐ നാദാപുരം നിയോജകമണ്ഡലം കമ്മിറ്റി അംഗവും ഒമ്ബത് പാര്‍ട്ടി മെംബര്‍മാര്‍ ഉള്‍െപ്പടെയുള്ളവരാണ് രാജിവെച്ചത്. ടി.കെ. ബാലന്‍ അധ്യക്ഷത വഹിച്ചു. ഏരിയ സെക്രട്ടറി പി.പി. ചാത്തു, ജില്ല സെക്രേട്ടറിയറ്റ് അംഗം കെ.കെ. ലതിക, എ. മോഹന്‍ദാസ്, കെ.കെ. ദിനേശന്‍, കെ.പി. കുമാരന്‍ എന്നിവര്‍ സംസാരിച്ചു.
ലോക്കല്‍ സെക്രട്ടറി ടി.വി. ഗോപാലന്‍ സ്വാഗതം പറഞ്ഞു. കഴിഞ്ഞ നിയമസഭ തെരഞ്ഞെടുപ്പിനോടനുബന്ധിച്ച്‌ സി.പി.ഐയില്‍ ഉടലെടുത്ത ആഭ്യന്തരപ്രശ്നവും പ്രാദേശിക നേതൃത്വത്തിന്റെ എതിര്‍പ്പു മറികടന്ന് നാദാപുരം എം.എല്‍.എയുടെ പേഴ്സനല്‍ സ്റ്റാഫ് നിയമനവുമാണ് പ്രവര്‍ത്തകരെ പാര്‍ട്ടി വിടാന്‍ പ്രേരിപ്പിച്ചത്. സി.പി.എം നിലപാടിനെതിരെ സി.പി.ഐ മണ്ഡലം കമ്മിറ്റി പ്രതിഷേധവുമായി രംഗത്തെത്തിയിട്ടുണ്ട്.
