ബുള്ളറ്റ് പ്രേമികള് ഏറെനാളായി കാത്തിരുന്ന കാര്ബറി മോട്ടോര്സൈക്കിള്സിന്റെ 1000 സിസി കാര്ബറി ബുള്ളറ്റ് ഇന്ത്യയില് വരുന്നു. 7.35 ലക്ഷം രൂപ വില വരുന്ന കാര്ബറി, ഒരു ലക്ഷം രൂപ മുന്കൂര് പണമടച്ച് ഉപഭോക്താക്കള്ക്ക് ബുക്ക് ചെയ്യാം. 29 ഓര്ഡറുകള് മാത്രമാണ് ആദ്യ ഘട്ടത്തില് കമ്പനി സ്വീകരിക്കുക. 5 മുതല് 7 മാസം വരെയാണ് വെയ്റ്റിങ് പിരീഡ്.
ഓസ്ട്രേലിയന് കസ്റ്റം റോയല് എന്ഫീല്ഡ് ബൈക്ക് നിര്മാതാക്കളായ കാര്ബറി മോട്ടോര്സൈക്കിള്സാണ് ഡബിള് ബാരല് 1000 സിസി ബുള്ളറ്റ് ഇന്ത്യയില് പുറത്തിറക്കിയത്. ഹൈഡ്രോളിക് പുഷ്റോഡുകളും, ഭാരമേറിയ സ്റ്റാര്ട്ടര് മോട്ടറും, 3.7 ലിറ്റര് ഓയില് കപ്പാസിറ്റിയും, ഓയില് പ്രഷര് ഗൊജും, മോഡലിന്റെ സവിശേഷതയാണ്.
കൂടാതെ വീതിയേറിയ ഫോര്ക്കുകള്, ഫ്രണ്ട് റിയര് എന്ഡുകളില് ഡിസ്ക് ബ്രേക്കുകള്, മുന്നിലും പിന്നിലും ഡിസ്ക് ബ്രേക്ക്, ആന്റി-ലോക്കിങ് ബ്രേക്കിങ് സിസ്റ്റം, സെവന് പ്ലേറ്റ് ക്ലച്ച് എന്നിവയാണ് വാഹനത്തിലെ മറ്റു പ്രത്യേകതകള്. 5 സ്പീഡാണ് ഗിയര്ബോക്സ്.
