മിസിസിപ്പി: വെള്ളിയാഴ്ച മിസിസിപ്പിയില് നടന്ന വെടിവയ്പില് മുന് ഭാര്യയടക്കം 6 പേര് കൊല്ലപ്പെട്ട സംഭവത്തില് കൊലപാതകിയെന്ന് സംശയിക്കുന്നയാളെ അര്ക്കബട്ല ഡാം റോഡില് ഒരു വാഹനത്തില് നിന്ന് കസ്റ്റഡിയിലെടുത്തെന്നു ടെയ്റ്റ് കൗണ്ടി ഷെരീഫ് ബ്രാഡ് ലാന്സ് അറിയിച്ചു.അര്ക്കബുട്ട്ലയില് നിന്നുള്ള റിച്ചാര്ഡ് ഡെയ്ല് ക്രം (52) എന്ന അക്രമിയെയാണ് അറസ്റ്റ് ചെയ്തത്.
അര്ക്കബട്ലയെ വിറപ്പിച്ച് കൊലപാതക പരന്പരയില് പ്രദേശത്തെ വ്യത്യസ്ത ഇടങ്ങളില് ആറു പേരാണ് കൊല്ലപ്പെട്ടത്. ടെന്നസിയിലെ മെംഫിസില് നിന്ന് ഏകദേശം 30 മിനിറ്റ് തെക്ക് വടക്കുപടിഞ്ഞാറന് മിസിസിപ്പിയിലാണ് ടേറ്റ് കൗണ്ടി.
വടക്കന് മിസിസിപ്പിയിലെ ഒരു ചെറിയ ഗ്രാമീണ പട്ടണമായ അര്ക്കബുട്ട്ലയിലെ ഒരു സ്റ്റോറിന്റെ പാര്ക്കിംഗ് സ്ഥലത്തു 11 മണിയോടെ എത്തിയ അജ്ഞാതന് അവിടെയുണ്ടായിരുന്ന കാറിലെ ഡ്രൈവറെ മാരകമായി വെടിവെച്ചു കൊലപെടുത്തുകയായിരുന്നു. തുടര്ന്ന് തോക്കുധാരി കടയില് കയറിയശേഷം തന്റെ മുന് ഭാര്യയുടെ വീട്ടിലേക്ക് ഡ്രൈവ് ചെയ്യുകയായിരുന്നുവെന്ന് ടെയ്റ്റ് കൗണ്ടി ഷെരീഫ് ബ്രാഡ് ലാന്സ് പറഞ്ഞു. താമസസ്ഥലത്തുണ്ടായിരുന്ന പ്രതിശ്രുത വരനെ ശാരീരികമായി ആക്രമിക്കുന്നതിന് മുന്പ് വെടിയേറ്റയാള് തന്റെ മുന് ഭാര്യയെ വെടിവച്ചു കൊല്ലുകയായിരുവെന്ന് ലാന്സ് പറഞ്ഞു.
പോലീസില് വിവരം അറിയിച്ചതിനെ തുടര്ന്ന് എത്തിച്ചേര്ന്ന പോലീസ് നടത്തിയ അന്വേഷണത്തില് നാല് മൃതദേഹങ്ങള് കൂടി ഡാം റോഡില് നിന്ന് കണ്ടെടുത്തു. രണ്ട് മൃതദേഹങ്ങള് ഒരു വീട്ടിനകത്തും രണ്ടെണ്ണം പുറത്തുമായിരുന്നു കണ്ടെത്തിയത്.
സംഭവം നടന്ന വീടിന് സമീപത്തു നിന്നും രക്ഷപെടാന് ശ്രമിക്കുന്നതിനിടെയാണ് ഡെപ്യൂട്ടികള് പ്രതിയെ കസ്റ്റഡിയിലെടുത്തതെന്ന് ലാന്സ് പറഞ്ഞു.
സംശയിക്കുന്നയാളുടെ കാറില് നിന്ന് നിരവധി കൈത്തോക്കുകളും ഒരു ഷോട്ട്ഗണും കണ്ടെത്തിയതായി ലാന്സ് പറഞ്ഞു. പ്രതിയെ ടാറ്റ് കൗണ്ടി ജയിലില് പാര്പ്പിച്ചിരിക്കുകയാണെന്നും കുറ്റപത്രം വെള്ളിയാഴ്ച പിന്നീട് സമര്പ്പിക്കുമെന്നും ലാന്സ് പറഞ്ഞു.
കൊല്ലപ്പെട്ടവരെ കുറിച്ചുള്ള വിവരങ്ങള് ഇതുവരെ പുറത്തുവിട്ടിട്ടില്ല . വെടിവെപ്പ് നടത്താന് പ്രേരിപ്പിച്ചതു എന്താണെന്ന് ഇപ്പോള് വ്യക്തമല്ലെന്ന് ലാന്സ് പറഞ്ഞു.
മിസിസിപ്പി ബ്യൂറോ ഓഫ് ഇന്വെസ്റ്റിഗേഷനും സിറ്റി പോലീസും അന്വേഷണത്തിനു നേതൃത്വം നല്കുമെന്ന് മിസിസിപ്പി ബ്യൂറോ ഓഫ് ഇന്വെസ്റ്റിഗേഷന്റെ വക്താവ് ബെയ്ലി മാര്ട്ടിന് പറഞ്ഞു.
വെടിവയ്പ്പിനെക്കുറിച്ച് തനിക്ക് വിവരം ലഭിച്ചിട്ടുണ്ടെന്നും സംശയിക്കുന്നയാള് ഒറ്റയ്ക്കാണ് പ്രവര്ത്തിച്ചതെന്നും കരുതുന്നതായി ഗവര്ണര് ടെറ്റ് റീവ്സ് ഒരു ട്വീറ്റില് വിശദീകരിച്ചു.
സ്ഥിതിഗതികള് നിരീക്ഷിച്ചു വരികയാണെന്നും സംസ്ഥാനത്തിന്റെ മുഴുവന് പിന്തുണയും അന്വേഷണ സംഘത്തിന് ലഭിക്കുന്നുവെന്ന് ഞങ്ങള് ഉറപ്പാക്കുമെന്നും റീവ്സ് പറഞ്ഞു.
