സംസ്ഥാനത്ത് വരും ദിവസങ്ങളില് അതിതീവ്ര മഴയുണ്ടാകുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. വെള്ളിയാഴ്ച നാല് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ജനങ്ങള് ജാഗ്രത പാലിക്കണമെന്ന് ദുരന്ത നിവാരണ അതോറിറ്റി നിര്ദേശിച്ചു.
തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലാണ് വെള്ളിയാഴ്ച ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്. ശനിയാഴ്ച കോഴിക്കോട്, വയനാട് ജില്ലകളിലാണ് ഓറഞ്ച് അലര്ട്ട്. ഈ ജില്ലകളില് 20 സെന്റിമീറ്ററില് കൂടുതല് മഴ ലഭിക്കാന് സാധ്യതയുണ്ടെന്നാണ് മുന്നറിയിപ്പ്. വ്യാഴാഴ്ച ഏഴ് ജില്ലകളില് യെല്ലോ അലര്ട്ടുണ്ട്.
ശക്തമായ കാറ്റിനും മഴയ്ക്കും മുന്നറിയിപ്പുള്ള സാഹചര്യത്തില് ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളിലുംനദിക്കരകളിലും താമസിക്കുന്നവര് പ്രത്യേക ജാഗ്രത പാലിക്കണം. വെള്ളി, ശനി ദിവസങ്ങളില് കടല്ക്ഷോഭത്തിനും സാധ്യതയുണ്ട്. അതിനാല് ഈ ദിവസങ്ങളില് കേരളാ, ലക്ഷദ്വീപ് തീരങ്ങളില് മത്സ്യ ബന്ധനം വിലക്കി.
