കോഴിക്കോട്: വടകര ക്വാറന്‍റൈനില്‍ കഴിഞ്ഞിരുന്നയാള്‍ക്ക് നേരെ അക്രമം. വടകര വില്ല്യാപ്പള്ളി അരയാക്കൂല്‍ത്താഴ ലിജേഷിനാണ് കുത്തേറ്റത്. രാത്രി പന്ത്രണ്ട് മണിക്ക് ശേഷം ഒരാള്‍ വീട്ടിലേക്ക് അക്രമിച്ച്‌ കയറി കുത്തുകയായിരുന്നുവെന്ന് ലിജേഷ് പൊലീസിന് മൊഴി നല്‍കി. അക്രമി ഓടി രക്ഷപ്പെട്ടു. കൈക്ക് പരിക്കേറ്റ ഇദ്ദേഹത്തെ ആശുപത്രിയിലേക്ക് മാറ്റി. വ്യാഴാഴ്ച ബഹ്റൈനില്‍ നിന്ന് എത്തിയ മൂന്ന് പേര്‍ ഒരു വീട്ടില്‍ ക്വാറന്‍റൈനില്‍ കഴിയുകയായിരുന്നു.
