രാജസ്ഥാന്‍: വിവാഹ ആഘോഷങ്ങള്‍ക്കിടയിലേക്ക് ട്രക്ക് പാഞ്ഞുകയറി പതിമൂന്ന് മരണം. രാജസ്ഥാനിലെ പ്രതാപ്ഗഡ്-ജയ്പുര്‍ ഹൈവേക്ക് സമീപമാണ് അപകടം. അപകടത്തില്‍ വധുവിനടക്കം നിരവധിപ്പേര്‍ക്ക് പരുക്കേറ്റു.
വിവാഹത്തില്‍ പങ്കെടുക്കാനെത്തിയവരുടെ ഇടയിലേക്ക് നിയന്ത്രണം നഷ്ടപ്പെട്ട ട്രക്ക് ഇടിച്ചുകയറുകയായിരുന്നു. ഒമ്പതുപേര്‍ സംഭവസ്ഥലത്തുവച്ചും നാലുപേര്‍ ആശുപത്രിയിലേക്ക് കൊണ്ടു പോകുന്നതിനിടെയുമാണ് മരിച്ചത്. പരുക്കേറ്റവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവത്തില്‍ രാജസ്ഥാന്‍ മുഖ്യമന്ത്രി അശോക് ഗലോട്ട് അപലപിച്ചു.
കഴിഞ്ഞ ദിവസം ബിഹാറിലും സമാനമായ അപകടമുണ്ടായിരുന്നു. ഞായറാഴ്ച രാത്രി അശോക്നഗറില്‍ അമിത വേഗതയില്‍ എത്തിയ ട്രക്ക് ടാക്സിയിലിടിച്ച്‌ വിവാഹചടങ്ങിനുശേഷം മടങ്ങിയ ആറു പേര്‍ മരിച്ചിരുന്നു.
