തിരുവനന്തപുരം കഴക്കൂട്ടത്ത് അനിയന്‍ ചേട്ടനെ കുത്തിക്കൊന്നു. കഴക്കൂട്ടം സ്വദേശി രാജു (40) ആണ് കൊല്ലപ്പെട്ടത്.
മദ്യപാനത്തിനിടെ ഉണ്ടായ തര്‍ക്കത്തെ തുടര്‍ന്നായിരുന്നു കൊലപാതകം. അനിയന്‍ രാജയെ പൊലീസ് കസ്റ്റഡിയിലെടുത്തു.
ഇന്നലെ രാത്രി ഒരു മണിയോടെയാണ് സംഭവം. കുത്തേറ്റ രാജു വീടിനു മുന്നില്‍ കുഴഞ്ഞുവീണു. ശബ്ദം കേട്ട് എത്തിയ നാട്ടുകാര്‍ ഉടനെ രാജുവിനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പൊലീസെത്തി രാജയെ കസ്റ്റഡിയിലെടുത്ത് കഴക്കൂട്ടം സ്റ്റേഷനിലേക്കു കൊണ്ടുപോയി.
ചുമട്ടുതൊഴിലാളിയാണ് രാജു. ഓട്ടോ ഡ്രൈവറാണ് രാജ. ഇരുവരും തമ്മില്‍ നേരത്തെയും മദ്യപിച്ച ശേഷം വഴക്കുണ്ടായിട്ടുണ്ടെന്ന് നാട്ടുകാര്‍ പറയുന്നു.
