തിരുവനന്തപുരം: തിരുവനന്തപുരം ബാലരാമപുരത്ത് ഗുണ്ടാ ആക്രമണം . ലഹരിക്കടിമകളായ യുവാക്കളാണ് ആക്രമണം ഉണ്ടാക്കിയത്.ആക്രമണത്തില്‍ വാഹനങ്ങള്‍ തകര്‍ത്തു.രണ്ട് പേര്‍ക്ക് വെട്ടേറ്റതായും പറയുന്നുണ്ട് . ബൈക്കിലെത്തിയ രണ്ടു യുവാക്കളാണ് പത്തിലധികം വാഹനങ്ങള്‍ തകര്‍ത്തത്. ഒന്‍പത് ലോറിയും മൂന്നു കാറും നാല് ബൈക്കുമാണ് തകര്‍ത്തിരിക്കുന്നത് . എരുവാത്തൂര്‍, റസ്സല്‍പുരം ഭാഗത്താണ് സംഭവം. ആക്രണണത്തിനിടെ വാഹന യാത്രക്കാര്‍ക്കും പരിക്കേറ്റിട്ടുണ്ട് . കാര്‍ യാത്രക്കാരനായ ജയചന്ദ്രന്‍, ബൈക്ക് യാത്രക്കാരിയായ ഷീബാ കുമാരി എന്നിവര്‍ക്കാണ് ആക്രമണത്തില്‍ പരിക്കേറ്റത്.
