തിരുവനന്തപുരം: ( 20.08.2020) തലസ്ഥാന നഗരിയില്‍ വന്‍ കഞ്ചാവ് വേട്ട. വില്‍പ്പനക്കായി പിക്കപ്പ് വാനിലെത്തിച്ച കഞ്ചാവുമായി തിരുവനന്തപുരം പൂന്തുറ ഹൈവേയിലെ പുതുക്കാട് വച്ച്‌ യുവാവ് പിടിയിലായി. എട്ട് കിലോ കഞ്ചാവുമായി കായംകുളം സ്വദേശിയായ അറഫ് ആണ് പൂന്തുറ പോലീസിന്റെ പിടിയിലായത്.
തമിഴ്‌നാട്ടില്‍ നിന്നും പിക്കപ്പ് വാനില്‍ പച്ചക്കറിയോടൊപ്പം ഒളിപ്പിച്ച്‌ കഞ്ചാവ് കടത്തുന്നതിനിടെ ബുധനാഴ്ച വൈകുന്നേരമാണ് ഇയാളെ പോലീസ് പിടികൂടിയത്. തമിഴ്‌നാട്ടില്‍ നിന്നും വലിയ തോതില്‍ കഞ്ചാവ് എടുക്കുന്ന ഇയാള്‍ തിരുവനന്തപുരം കൊല്ലം ആലപ്പുഴ ജില്ലകളിലെ ചില്ലറ വില്‍പ്പനക്കാര്‍ക്ക് വിതരണത്തിനായാണ് കഞ്ചാവ് എത്തിച്ചിരുന്നതെന്ന് പോലീസ് പറഞ്ഞു
