ചെന്നൈ: പ്രമുഖ തമിഴ് ചലച്ചിത്ര നടന് മന്സൂര് അലിഖാനെ പൊലീസ് അറസ്റ്റ് ചെയ്തു. ചെന്നൈ-സേലം അതിവേഗ പാതയ്ക്കെതിരേ തദ്ദേശവാസികളും കര്ഷകരും നടത്തിയ പ്രക്ഷോഭത്തില് പങ്കെടുക്കവെ നടത്തിയ വിവാദ പരാമര്ശത്തിന്റെ പേരിലാണ് അറസ്റ്റ്.
എട്ടുവരിപ്പാത നിര്മിച്ചാല് എട്ടുപേരെ കൊന്ന് താന് ജയിലില്പ്പോകുമെന്ന് മന്സൂര് പരാമര്ശിച്ചതാണ് അറസ്റ്റിനു വഴിവെച്ചത്. കേന്ദ്ര സര്ക്കാരിന്റെ ചെന്നൈ-സേലം അതിവേഗ പാതയ്ക്കെതിരേ പൂലവരി, നാഴിക്കല്പ്പട്ടി, കുപ്പന്നൂര്, അച്ചന്കുട്ടപ്പട്ടി ഗ്രാമങ്ങളിലെ കര്ഷകരാണ് സമരം നടത്തുന്നത്.
കാവേരി പ്രശ്നത്തില് സമരം നടത്തിയവര്ക്ക് പിന്തുണ നല്കിയതിന് കഴിഞ്ഞ ഏപ്രിലിലും മന്സൂര് അലിഖാനെ പൊലീസ് അറസ്റ്റു ചെയ്തിരുന്നു.