ചെന്നൈ: ഭാര്യയെ അതി ക്രൂരമായി കൊലപ്പെടുത്തിയ സംഭവത്തില് തമിഴ് സംവിധായകന് അറസ്റ്റില്. ചെന്നൈ ജാഫര്ഖാന്പേട്ടില് താമസിക്കുന്ന എസ്.ആര്. ബാലകൃഷ്ണനാണ് അറസ്റ്റിലായത്. ബാലകൃഷ്ണന്റെ ഭാര്യയും സിനിമകളില് ജൂനിയര് ആര്ട്ടിസ്റ്റുമായിരുന്ന സന്ധ്യയാണ് കൊല്ലപ്പെട്ടത്. സന്ധ്യയുടെ ശരീരഭാഗങ്ങള് വെട്ടിനുറുക്കി വിവിധയിടങ്ങളിലെ കുപ്പത്തൊട്ടികളില് ഉപേക്ഷിക്കുകയായിരുന്നു. ജനുവരി 19ന് രാത്രിയിലാണ് കൊലപാതകം നടന്നത്. 21ന് പള്ളിക്കരണിയില് മാലിന്യശേഖരണകേന്ദ്രത്തില്നിന്ന് രണ്ട് കാലുകളും ഒരു കൈയും കണ്ടെത്തിയതിനെത്തുടര്ന്ന് നടത്തിയ അന്വേഷണത്തിനൊടുവിലാണ് സംഭവം പുറത്തറിയുന്നത്. 2015ല് പുറത്തിറങ്ങിയ ‘കാതല് ഇളവസം’ എന്ന ചിത്രത്തിന്റെ സംവിധായകനും നിര്മ്മാതാവുമാണ് ബാലകൃഷ്ണന്. […]

