ദണ്ഡേവാഡ: ഛത്തീസ്ഗഡില് മാവോയിസ്റ്റ് ആക്രമണത്തില് മൂന്ന് പേര് മരിച്ചു. ദൂരദര്ശന് വാര്ത്താസംഘത്തിന്റെ കാമറാമാനും രണ്ട് പൊലീസുകാരുമാണ് മരിച്ചത്. ഛത്തീസ്ഗഡിലെ തിരഞ്ഞെടുപ്പ് റിപ്പോര്ട്ട് ചെയ്യാനായി ദന്തേവാഡ ജില്ലയിലെ ആരന്പൂരില് എത്തിയപ്പോഴായിരുന്നു മാദ്ധ്യമ സംഘത്തിനു നേരെ മാവോയിസ്റ്റുകള് ആക്രമണം നടത്തിയത്. മൂന്ന് ദിവസങ്ങള്ക്കു മുന്പ് ബിജാപൂരില് മാവോയിസ്റ്റുകള് നടത്തിയ കുഴിബോംബ് സ്ഫോടനത്തില് നാല് സി.ആര്.പി.എഫ് ജവാന്മാര് കൊല്ലപ്പെട്ടിരുന്നു. സ്ഫോടനത്തില് രണ്ടു ജവാന്മാര്ക്ക് പരിക്കേല്ക്കുകയും ചെയ്തു. ഛത്തീസ്ഗഡില് രണ്ട് ഘട്ടങ്ങളിലായി നവംബര് 12 നും 20 നുമായാണ് തിരഞ്ഞെടുപ്പ് നടക്കുക.
