ചെന്നൈ: അണ്ണാ ഡിഎംകെയിലെ ഇപിഎസ് ഒപിഎസ് ലയനത്തിനു പിന്നാലെ പാര്ട്ടിയില് രാഷ്ട്രീയ പ്രതിസന്ധികള് രൂക്ഷമാകുന്നു. ടി.ടി.വി. ദിനകരന് പക്ഷത്തുള്ള 19 എംഎല്എമാര് മുഖ്യമന്ത്രി എടപ്പാടി കെ. പളനിസ്വാമിക്കെതിരായ നിവേദനം ഗവര്ണര്ക്കു കൈമാറി. ഇന്ന് രാവിലെ രാജ്ഭവനില് എത്തിയാണ് ഗവര്ണറുമായി എംഎല്എമാര് കൂടിക്കാഴ്ച നടത്തിയത്. മുഖ്യമന്ത്രിയിലുള്ള വിശ്വാസം തകര്ന്നെന്നും എംഎല്എമാര് ഗവര്ണറെ അറിയിച്ചു.
