തിരുവനന്തപുരം: തിരുവനന്തപുരത്ത് നിന്നും കണ്ണൂരിലേക്ക് അതിവേഗ ട്രെയിന്‍ സര്‍വീസ് വരുന്നു. ഏഴ് മണിക്കൂര്‍ കൊണ്ട് തിരുവനന്തപുരത്ത് നിന്ന് കണ്ണൂരിലെത്താം എന്നതാണ് ഇതിന്‍റെ പ്രത്യേകത.
പുതിയ ജനശതാബ്ദി എക്സ്പ്രസ് ട്രെയിനാണ് സര്‍വീസ് നടത്തുന്നത്. തിരുവനന്തപുരത്തു നിന്നും രാവിലെ ആറു മണിക്ക് പുറപ്പെട്ടാല്‍ ഉച്ചയ്ക്ക് ഒന്നരയോടെ കണ്ണൂരില്‍ എത്തും. തിരികെ ഉച്ചയ്ക്ക് രണ്ടരയ്ക്ക് ആണ് ട്രെയിന്‍ തിരുവനന്തപുരത്തേക്ക് പുറപ്പെടുന്നത്. ഇത് 10 മണിയോടെ തിരുവനന്തപുരത്തേക്കും എത്തും.
2018 ജനുവരിയോടെ ട്രെയിന്‍ ഓടിത്തുടങ്ങുമെന്നാണ് റെയില്‍ അധികൃതര്‍ നല്‍കുന്ന സൂചന. എല്ലാ കോച്ചുകളും ഏസി ചെയറുകളായാണ് ഒരുങ്ങുന്നത്. കൊല്ലം, കോട്ടയം, എറണാകുളം ടൗണ്‍, തൃശൂര്‍, ഷൊര്‍ണൂര്‍, കോഴിക്കോട് എന്നിവിടങ്ങളിലാണ് സ്റ്റോപ്പ് അനുവദിച്ചിട്ടുള്ളത്. പരിക്ഷണ ഓട്ടം കഴിഞ്ഞ മാസം പൂര്‍ത്തിയായിരുന്നു. ടിക്കറ്റില്‍ ഭക്ഷണത്തിന്‍റെ നിരക്കും ഉള്‍പ്പെടുത്തിയിട്ടുണ്ട്.
