ന്യൂഡല്ഹി: സാമ്ബത്തിക പ്രതിസന്ധിയെ കുറിച്ചുള്ള ആശങ്കകള് അനുദിനം വര്ധിക്കുന്നതിനിടെ വാഹന വില്പനയില് വീണ്ടും ഇടിവ്. ജനുവരിയിലെ വില്പനയില് 13 ശതമാനത്തിെന്റ ഇടിവാണ് രേഖപ്പെടുത്തിയത്. കഴിഞ്ഞ വര്ഷം ജനുവരിയുമായി താരതമ്യം ചെയ്യുേമ്ബാഴാണ് വാഹന വില്പന കുറഞ്ഞത്.എല്ലാ വിഭാഗങ്ങളിലും വില്പന ഇടിഞ്ഞിട്ടുണ്ട്.
വാഹനനിര്മ്മാതാക്കളുടെ സംഘടനയായ സിയാമിെന്റ കണക്കുകളനുസരിച്ച് 17,39,975 വാഹനങ്ങളാണ് 2020 ജനുവരിയില് വിറ്റത്. 2019 ജനുവരിയില് 20,19,253 വാഹനങ്ങള് വിറ്റ സ്ഥാനത്താണ് ഇടിവുണ്ടായിരിക്കുന്നത്. പാസഞ്ചര് വാഹനങ്ങളുടെ വില്പനയില് 6.2 ശതമാനത്തിെന്റ ഇടിവ് രേഖപ്പെടുത്തി.
2019 ജനുവരിയില് 2,80,091 പാസഞ്ചര് വാഹനങ്ങള് വിറ്റപ്പോള് 2020ല് ഇത് 2,62,714ലായി കുറഞ്ഞു. വാണിജ്യ വാഹനങ്ങളുടെ വില്പനയില് 14.04 ശതമാനമാണ് ഇടിവ്. കാറുകളുടെ വില്പനയില് 8.1 ശതമാനവും മോട്ടോര് സൈക്കിളുകളുടെ വില്പനയില് 15.17 ശതമാനവും ഇടിവ് രേഖപ്പെടുത്തി.
2020ല് വാഹന വില്പന മെച്ചപ്പെടുമെന്നാണ് കമ്ബനികളുടെ പ്രതീക്ഷ. അതേസമയം കൊറോണ വൈറസ് ബാധയും വിപണിക്ക് തിരിച്ചടിയാവുന്നുണ്ടെന്നാണ് റിപ്പോര്ട്ടുകള്. ഇന്ത്യയിലെ പ്രമുഖ വാഹന കമ്ബനികള്ക്കെല്ലാം ചൈനയില് നിര്മ്മാണശാലകളുണ്ട്. കൊറോണ ശക്തമായതോടെ ചൈനയിലെ വാഹനനിര്മ്മാതാക്കളുടെ നിര്മ്മാണശാലകളെല്ലാം അടഞ്ഞു കിടക്കുകയാണ്. ഇതും വിപണിക്ക് പ്രതിസന്ധി സൃഷ്ടിക്കുകയാണ്.
